Ding Dalit 102:2 - Ing Mayap a Balita Biblia

² E mu ku sa lalakuan neng atyu ku king kaguluan. Saingsing ku keka sanang pakiramdaman, at potang keka mamaus ku agad mu ku sanang pakibatan.

Ding Dalit 102:2 Iomraidhean Croise

Job 34:29

Nung ing Dios ala yang gawan nanuman, ala metung man ing makapintas. Nung isalikut ne ing lupa na, nanu ing akarapat ning ninuman?

Job 7:21

Baket e mu pa patawaran ing kakung kasalanan, at panupaya ing maling kakung depatan? Saguli namu ikutkut da na ku, panintunan mu ku man, ala na ku.

Ding Dalit 104:29

Potang darayu ka karela mangatakutan la; nung patluran mung karelang pangisnawa mate la; magbalik la king alikabuk a ibatan da.

Ding Dalit 13:1

O Ginu, angga kapilan ing kaku kekang pamangalinguan? Angga me kapilan isalikut ing lupa mu kaku?

Ding Dalit 143:7

Mamalagua kang makibat kaku, O Ginu! Mepupus na ing sabla kung kapanayan. E me sasalikut ing sarili mu kaku, nung ali kayabe ku karetang manabu king tuknangan da ring mete.

Ding Dalit 17:1

O Ginu, pakiramdaman mu ku; katuliran ing aduan ku; kakung dalangin miras sa king kekang panandam, uling tau kung e maglinlang.

Ding Dalit 22:19

E ka sana lalaut kaku, O Ginu! Datang na kang agad, O talapagligtas ku.

Ding Dalit 27:9

Lupa mu e me sa papampan kaku. King kamua mu e me sa palakuan ining kekang alipan. Ika ing kakung kasaupan; e mu ku sa lalakuan o paburen man, O Dios a kakung kaligtasan!

Ding Dalit 31:2

Pakiramdaman mu ku; malagua ka, saupan mu ku. Maging anti ka sanang batu'ng pisalikutan, at kutang matatag a kaku babie kaligtasan.

Ding Dalit 40:13

Matula mu ku sanang saupan, O Ginu! O Ginu, me keni at malagua mu kung saupan.

Ding Dalit 69:17

E me sana gugulutan ining kekang talasuyu; king maragul a kaguluan makapadurut ku; sana ibie mung agad ing kekang pakibat.

Ding Dalit 70:1

Iligtas mu ku ngeni, O Dios ko! O Ginu, agad mu kung saupan.

Ding Dalit 71:2

Uli ning makatuliran ka, kakung asahan ing saupan mu ku at iligtas; dalangin ku pakiramdaman mu; sagipan mu ku.

Exodo 2:23

Mapilan pang banua kaybat na nita, mete ya ing ari ning Ehipto at ipus la pa mu rin ding Israelita. E la patugut sasaingsing at maniawad saup uli na ning kasakitan a daralanan da. Miras king Dios ing saingsing da.

Exodo 2:24

Dimdam na ing saingsing da at aganaka na ning Dios itang kasunduan na kari Abraham, Isaac, at Jacob.

Isaias 43:2

Neng daralan ka karing malalam a danuman, patnubayan da ka; e ra ka daigan ding kekang kaguluan. Nung dumalan ka libutad ning api, e ka masilab; ding mabayat a kapagsubukan e ra ka sambutan.

Isaias 65:24

Pakibatan kung agad ing panalangin da bayu ra pa ayari ing panalangin da kanaku.

Isaias 8:17

Migpampan ya ing Ginu karing memalen na, oneng manalig ku at ibili ing kapanayan ku king Ginu.

1 Corinto 10:13

Ing balang kapagsubukan a daratang kekayu, ya naman ing karaniwan a daratang karing tau. Oneng tapat ya ing Ginu king pangaku na at e na kayu paburen masubuk king e yu agyung pibatan. King oras a masubuk kayu, dinan na kayung sikanan ban apibata yu, at gawa yang paralan ban adaig yu ing kapagsubukan.