Ding Dalit 102:15 - Ing Mayap a Balita Biblia

¹⁵ Pitakutan de ring bansa ing lagyu ning Ginu, at ding sablang ari king yatu, pitakutan da ing upaya na.

Ding Dalit 102:15 Iomraidhean Croise

1 Ari 8:43

pakiramdaman mu sa ing panalangin na ken king banuang tuknangan mu, at ibie ing kayaduanan na ban ding sablang tau ning yatu akilala ra ka at mamintu la keka antimo ding memalen mung Israelita. Kanita abalu ra king iting Templong telakad ku metung yang lugal nung nu ka dapat misamban.

Nehemias 1:4

Linukluk ku at kiniak inyang dimdam ku iti. Melungkut ku at e ku mengan kilub ding mapilan a aldo. Menalangin ku king Dios.

Nehemias 2:17

Kaybat ngakung sinabi karela, Akakit yu ing problemang liban tamo? Lasak-lasak ya ing Templo at silab la ding pasbul nang dalan. Tara, larinan ta la ding pader na ning siudad ban milako ta na king kamarinayan.

Nehemias 2:3

at ngakung mekibat, Kagalang-galang a Ari, kumaba pu sana ing bie yu! Malungkut ku pu uling lasak-lasak ya ing siudad nung nu la mikutkut ding makatua ku at silab la ding pasbul nang dalan.

Ding Dalit 138:4

Ding sablang ari ning mabilug a yatu purian da ka, O Ginu, uling dimdam do ring pangaku mu.

Ding Dalit 72:11

Ding sablang ari duku la arap na, at sablang bansa sumuyu la king kayarian na.

Ding Dalit 86:9

Ding bansang kekang lelangan keka lumapit la, ban samba at munie kapurian king kekang lagyu.

Isaias 55:5

Ngeni keka lang ausan ding aliwang bansa a kanitang misan ila e ra ka kakilala, oneng ngeni mamirapal lang datang ban makiabe la keka! Aku, ing Ginung kekang Dios, ing banal nang Dios ning Israel, iti kaku ngan papalyarian; dinan da kang ligaya at dangalan.

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!

Kapahayagan 21:24

Lalakad la ding sablang tau king aslag na at karin da idala ding ari na ning yatu ing karelang pibandian.