Ding Dalit 102:12 - Ing Mayap a Balita Biblia

¹² Oneng ika, Ginu, ari ka kapilan man; ing balang lahi e na ka kalinguan.

Ding Dalit 102:12 Iomraidhean Croise

Job 14:2

Mibubukadkad yang anti ing bulaklak, at kaybat malanat ampon malagas; kalupa ning anino agad yang lilipas.

Job 8:9

pablasang itamu kapilan ta pa mu, ala tamung kamalayan nanuman; ing bie tamu anting anino mung daralan.

Ding Dalit 109:23

Mawawala ku antimo ing anino ning kabengian; mananakbag kung anti ing durun neng ugunan de ing tanaman.

Ding Dalit 135:13

O Ginu, mipasiag kang Dios king kapilan pa man; sablang lahi e ra ka kalinguan.

Ding Dalit 9:7

Oneng ing Ginu ari ya kapilan man. Sidia ne ing tronu na anting piukuman.

Ding Dalit 90:6

Kabang abak pa sagiwa la at mamulaklak; karas ning bengi lanat la.

Exodo 3:15

Sabian mu karing memalen ning Israel king aku, ing Ginu, ing Dios ding makatua da, ing Dios nang Abraham, Isaac, at Jacob ya ing mitubud keka karela. Iti ing lagyu ku king kapilan pa man; iti ya ing yaus dang lagyu kanaku ding sablang lahi king kapilan pa man.

Isaias 44:6

Ing Ginung sasakup at mimingat king Israel, ing Ginung Mayupaya, sasabian na, Aku ing mumuna, ing tauli, ing bukud mung Dios, ala nang aliwang dios subali kaku.

Isaias 60:15

E na ka pasibayung mipainggulutan at pikakasaman ni siudad a melakuan at mipaburen. Gawan da kang marangal at mitmung leguan, metung a lugal ning tula angga king kapilan pa man.

Ding Tagulele 5:19

Oneng ika, O Ginu, ari ka kapilan man, at manimuna ka angga king kawakasan.

Deuteronomio 33:27

Ing alang anggang Dios ya ing kekang santungan; ding mayupaya nang gamat ilang keka mingat. Ya ing mitabi karing kalaban a atyu king kekang arapan, at keka nganang gingkas, Gisanan mo ngan.

Hebreo 13:8

I Jesu-Cristo ya naman ing napun, ing kasalukuyan, at king kapilan pa man.