Ding Dalit 102:11 - Ing Mayap a Balita Biblia

¹¹ Ing bie ku kalupa ne ning anino neng bengi, at anti ing dikut a melanat.

Ding Dalit 102:11 Iomraidhean Croise

Job 14:2

Mibubukadkad yang anti ing bulaklak, at kaybat malanat ampon malagas; kalupa ning anino agad yang lilipas.

Job 19:10

Bubugbugan na ku king mingatba-ngatba. Anting tanaman pitput nang kakung kapanayan, at likuan na ku ban langi at mate.

Ding Dalit 109:23

Mawawala ku antimo ing anino ning kabengian; mananakbag kung anti ing durun neng ugunan de ing tanaman.

Ding Dalit 144:4

Ing tau anti yang tiup ning angin; anti yang aninong lalabas ing bie na.

Ecclesiastes 6:12

Ninu mo ing makibalu nung nanu ing mayap king taung mabibie makuyad a panaun at kaybat lumbug namung anting anino? Ninu ing makibalu nung nanu ing mapalyari king yatu potang mete ne ing tau?

Ding Tagulele 3:1

Aku ing taung makibalu nung nu anti kabayat ing tanggap parusa king Dios.

Santiago 1:10

at sukat nang pasalamatan ning kapatad a mabandi, nung bababa na ne man ning Dios. Uling lilipas kalupa na ning sampaga ning dikut ing nanumang pibandian.

Santiago 4:14

Balu yu wari nung nanu ing darala na ning aldo bukas? Mengari mu ing bie yu king ulap a lalto king saguling penandit at kaybat mawala.

1 Pedro 1:24

Antimo ing sasabian na ning Kasulatan, Mengari la king dikut king parang ding sablang tau, at ing sablang kamalan da mengari mu king sampaga na. Lalangi ing dikut at ding sampaga mangatanggal la,