Ding Dalit 102:1 - Ing Mayap a Balita Biblia

¹ Pakiramdaman mu sana, O Ginu, ing panalangin ku; miras sa king arap mu ing saup a aduan ku!

Ding Dalit 102:1 Iomraidhean Croise

2 Cronica 30:27

Gimpanan da ring pari at ding Levita ing katungkulan da, at binendisyunan da la ring tau. Ing karelang bosis at panalangin meramdam king banua, ing banal a tuknangan ning Dios.

Ding Dalit 12:5

Oneng ngana ning Ginu, Kimut na ku para karing gigipitan dang kalulu, at karing sasaingsing saup karela kakung ibie.

Ding Dalit 143:4

Inya maibug na kung sumuku; milako ing kakung kapanayan.

Ding Dalit 143:7

Mamalagua kang makibat kaku, O Ginu! Mepupus na ing sabla kung kapanayan. E me sasalikut ing sarili mu kaku, nung ali kayabe ku karetang manabu king tuknangan da ring mete.

Ding Dalit 145:19

Babie ning Ginu ing kapagnasan da ring sablang ating takut; pakiramdaman na naman ing saingsing da at liligtas na la.

Ding Dalit 18:6

Kaniting gipit kung kabilian, ing Ginu ya ing kakung inaus; king Templo na kakung bosis dimdam na, kakung saingsing miras king panamdam na.

Ding Dalit 39:12

O Ginu, kakung panalangin kekang pakiramdaman; O Ginu, kakung saingsing kekang pakiramdaman. E ka sa magmaklak-maklakan kening kakung tangis. King bale mu anti kung bisitang dinatang; dayuan a makituknang anti ding kakung makatua.

Ding Dalit 42:4

Saskup ya ing salu ku potang ing panaun a milabas agaganaka ku, lalung-lalu na inyang kayabe lang taung dakal ing bale ning Dios yang kekeng pintan, kabang masaya lang kukulisak, at pasalamat ding taung tatagun king kapiestan.

Ding Dalit 5:2

O ari ku at Dios ku, saingsing ku pakiramdaman mu, uling keka mamaus ku.

Ding Dalit 61:2

Kening lugal nung nu ku miyugse ika ing kakung ausan, uling malungkut ya ing kakung pusu. Iligtas mu ku at ingatan.

Ding Dalit 62:8

Ikong kakung kabalen, manalig kayu sana king Dios king sablang panaun. Sabla yung kaguluan king Dios idala yu, uling ya ing salilungan tamu.

Ding Dalit 77:3

Neng gaganakan ke ing Dios sasaingsing ku; neng migunamgunam ku mimina ku lub.

Exodo 2:23

Mapilan pang banua kaybat na nita, mete ya ing ari ning Ehipto at ipus la pa mu rin ding Israelita. E la patugut sasaingsing at maniawad saup uli na ning kasakitan a daralanan da. Miras king Dios ing saingsing da.

Ding Tagulele 3:44

Sinalikut ka king makapal a biga ning kekang mua, at e na agyung taglusan ning kekeng panalangin.

Ding Tagulele 3:8

Mamaus kung masikan; maniad kasaupan, oneng ing Dios e na ku pakiramdaman.

Lucas 22:44

Uli na ning mabayat a panamdam na, lalu yang menalangin taimtim; tutulu ing pawas na a mengaring dayang papatak king gabun.]

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.

Ukum 10:16

Inya leko da la ring kikilalanan dang dios da ring aliwang bansa at simban de ing Ginu; at melunus ya king kabilian ning Israel.

1 Samuel 9:16

Bukas king oras a anti kaniti, atin kung papuntalan a tau keka; ibat ya king sakup ning Benjamin at lanian me bilang ari ning balen kung Israel. Iligtas ne ing balen ku king gamat da ring Filisteo, uling ikit ku ing kasakitan na ning kanakung balen at miras na kanaku ing saingsing da.