Ding Dalit 101:8 - Ing Mayap a Balita Biblia

⁸ Aldo-aldo kaku lang paten ding sablang taung e mayap ning kekatang bansa; king siudad ning Ginu kaku la ngan itabi ding taung darapat e mayap.

Ding Dalit 101:8 Iomraidhean Croise

Ding Dalit 46:4

Ating ilug a mamagus babie tula king siudad ning Dios, king banal a tuknangan ning Kakataskatasan.

Ding Dalit 48:2

Ing bunduk ning Dios ya ing Zion; matas ya at masanting yang lalawan; ya ing siudad a bandi ning aring marangal at babie tula king mabilug a yatu!

Ding Dalit 48:8

Iting depat ning Dios kekeng dimdam, at ngeni kekeng ikit king siudad ning Dios, ing Ginung Mayupayang tutu; kapilan man king siudad ya ing mag-dipensa.

Ding Dalit 75:10

Pamaklian na la sagu ding taung e mayap, oneng ding karing banal itas na la ngan.

Ding Dalit 92:10

Oneng gewa mu kung kasing sikan ning toro, at dininan tulang e makanyan- kanyan.

Ding Kasebian 16:12

Makasumami king ari ing nanumang dapat a e ustu uling king hustisia ya makatalakad ing tronu nang luklukan.

Ding Kasebian 20:26

Sisisiatan na la ning biasang ari ding taung darapat e mayap, at king alang lunus parusan na la.

Ding Kasebian 20:8

Potang lukluk ya ing ari ban munie kayatulan, mata na akit da nung ninu ing ating kasalanan.

Jeremias 21:12

Aku ing Ginu, makiramdam kayu king kanakung sabian. Ing sanang matulid ya ing sikasuan yung marapat aldo-aldo. Labanan yu la ding manggipit, idipensa ye ing ninumang alipitan da. Nung ali, ding e mayap a bage a kekayung daraptan ilang makapasari king mua kung anting aping milalablab at e na apatda ning ninuman.

Hosea 9:3

E la manatili king bansa ning Ginu ding memalen na ning Israel. Kailangan lang magbalik karin Ehipto, at mangan la king makabawal a pamangan karin king Asiria.

Mikeas 3:9

Makiramdam kayu kanaku, ikayung manimuna na ning Israel, ikayung masama king hustisia at mamaluktut king matulid.

Kapahayagan 21:27

Oneng e milub karin ing nanumang bage marinat, ing darapat makasumami o kalaraman. Deta mung makasulat a lagyu king libru na ning bie a ingatan na ning Kordero ila mung bukud milub king siudad.