Ding Dalit 101:5 - Ing Mayap a Balita Biblia

⁵ Ing ninumang king lihim sisira king kalupa nang tau kaku yang tanggian; e ke kampian ing taung palalu at mayabang.

Ding Dalit 101:5 Iomraidhean Croise

Ding Dalit 138:6

Atyu ka king Kakataskatasan, ding mababa lub keka no mang ingatan, at keka e la makasalikut ding palalu.

Ding Dalit 15:3

at e gagamit king dila na king kapanyiran; e gagawang makapanasakit king kakaluguran na, at e magsalitang kalaraman king kenu man.

Ding Dalit 18:27

Liligtas mu lang taung mapagpakumbaba, oneng ding palalu keka lang ibababa.

Ding Dalit 50:20

Ding mismung kekong kapatad kekayu lang bibintanganan; karela e mikakunung mikalat kapanyiran.

Exodo 20:16

E kayu sasaksi king e katutuan laban king kenu man.

Exodo 23:1

E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan.

Ding Kasebian 10:18

Malaram ya ing taung misasalikut mua, at mangmang ya itang manyira king kalupa nang tau.

Ding Kasebian 20:19

Ikalat ning taung maindredus ing ingatan mung lihim; inya dumayu ka king taung masalita.

Ding Kasebian 21:4

Alipan na la ning kaimutan at kapalaluan ding taung tune e mayap, at iti kasalanan.

Ding Kasebian 25:23

Magdalang uran ing angin ning amian; ing indredus mua naman.

Ding Kasebian 30:13

Ating taung mimisip king ila tune lang mayapala la kanung kalupa king kayapan, agpang king sarili dang kaisipan.

Isaias 2:11

Datang ing aldo nung kapilan miyangganan ing ketasan na ning tau at malasak ing kapalaluan na. Kanita ing Ginu ya na mung bukud mirangal.

Ezekiel 22:9

Mamigawa lang salita ding kekang memalen tungkul karing aliwa ban kanita apapate da la. Mamangan la karing ain a miyain karing idolo. Manatili lang magpasasa king tula ning laman ding aliwa.

Daniel 4:37

At ngeni, aku, i Nebucadenesar, pupurian ke, parangalan ke, at paligayan ing Ari ning Banua. Ing heganaganang gagawan na ustu at makatuliran at agyu neng isaldak ing ninumang taung palalu.

Levitico 19:16

E yu kakalat ing nanu pa mang e tutu tungkul king ninu pa man o magtestigu king e katutuan ban mipahamak ya. Aku ing Ginu.

Lucas 18:14

Sasabian ku kekayu, nganang Jesus, Ing lalaking iti ya ing minuling mekilalang banal arap ning Dios at aliwa itang metung. Uling ing ninumang mitatas king sarili na mibaba ya, at ing ninumang magpakumbaba mitas ya.

1 Corinto 5:11

Ing amanuan ku ya ing e kayu makiabe king magbansag kapatad, oneng imoral ne man, sakim, sasambang idolo, mapanagkas, lasenggu o mapanako. E kayu naman bitasang makiabe mamangan king taung anti kaniti.

1 Timoteo 3:11

Kailangan king ing babaing asawa ning balang metung karela marangal ya naman: e ya maindredus, nune maisip ya, at tapat king sabla-sablang bage.

Tito 2:3

Antimu rin, panabilinan mu la ding makatuang babai ing manugali lang antimong babaing mabibie king kabanalan antimo ing sukat karela. E la mapanyirang puri at e magbisyu king alak. Sukat dang ituru ing mayap

1 Samuel 2:3

Tuknang na kong magsalitang kayabangan, e yu na paramdam pa ing kekong ketasan; ing Ginung Dios ya'ng makibalu king sabla, at ya ing manatul karing dapat ning tau.