Ding Dalit 101:3 - Ing Mayap a Balita Biblia

³ E ku paintulut magbabo ing nanumang e mayap. Pikasaman ku ing dapat ding taung e mayap, at e ku la pakiabayan.

Ding Dalit 101:3 Iomraidhean Croise

Job 31:1

Ginawa kung taimtim a kapangakuan king kareng babai e na ku lumawe maki pamagnasa.

Ding Dalit 119:113

Kaku lang pikakasaman ding taung salawahan, oneng ding kekang utus ilang tune kung pakamalan.

Ding Dalit 119:37

E mu paintulut ing sikasuan ku la ding bage a alang kabaldugan, at kalupa ning pengaku mu mipala ku sa.

Ding Dalit 125:5

Potang parusan mu la ding taung e mayap, iyabe mu la ding painggulut karing kekang kautusan. Ing kapayapan manatili king Israel!

Ding Dalit 139:22

Kasaman ku la king mabilug kung pusu; bibilang ku lang anting kakung kalaban.

Ding Dalit 14:3

Oneng ding sabla melili la ngan king dalan, pawa ngang e mayap ing karelang gagawan. Metung man alang darapat kayapan.

Ding Dalit 36:3

Asbuk na mitmu yang kapamiraitnan at kalaraman, ing kabiasnan lubus nang gilutan, at pati na ing pamaniapat kayapan.

Ding Dalit 39:1

Ngaku king lub ku, Mingat ku king kakung daraptan ban dila ku e ya makarapat kasalanan; asbuk ku kaku yang pigilan kabang kayarap ku lang taung makasalanan.

Ding Dalit 40:4

Maligaya ya ing taung manalig king Ginu; itang e makikiabe karing taung palalu at e lalapit karing dios a e tutu.

Ding Dalit 41:9

Pati na ing matalik kung kakaluguran at pagkatiwalan; itang kasulu kung mamangan pigtaksilan na ku naman.

Ding Dalit 78:41

Ing Dios ulit-ulit deng paniubukan, at ing Banal ning Israel karela yang pepalungkutan.

Ding Dalit 78:57

Peinggulutan de at meging taksil la pa antimo ding makatua ra; e la apagkatiwalan antimo ing baluktut a pana.

Ding Dalit 97:10

Kaluguran na la ning Ginu detang masama king e mayap; ing bie ding memalen na ingatan na; liligtas na la karing gamat da ring taung e mayap.

Exodo 20:17

E ye angkaminan ing bale na ning kalupa yung tau. E ye angkaminan ing asawa na, ding ipus na, ding baka na, ding asno na o ing nanumang bandi na.

Exodo 32:8

Kalalagua da ne mang gilutan ing dalan a tildu kung tuntunan da; ginawa lang metung a toro king gintung linaso ra, simban de at dininan ain-sakripisyu. Sasabian da king ita kanu ing dios da a milual karela king Ehipto.

Ding Kasebian 6:12

Ding alang kwenta at e mayap a tau libut-libut lang magsalitang kalaraman.

Ding Kasebian 6:13

Kindat-kindat la at miyayaliwa la daraptan ban ikang karelang linlangan;

Ding Kasebian 6:25

E mu sa pagnasan ing lagu da, at e ka pabihag karing mata rang mapundat.

Ding Kasebian 8:13

Ing takut king Ginu ya ing pikasaman ing e ustu; kakung kasaman ing ketasan at ing kapalaluan, ing ugaling e mayap at kalaraman.

Ecclesiastes 6:9

Mas mayap itang masaya ka ketang atyu keka kesa king paninapan mu itang ala. Iti munaman alang kabaldugan; mengari kang darakap king angin.

Isaias 30:11

Mabating kayu at patugut kayung babie pangabala king lakad mi. E mi ya buring daramdaman ing tungkul king kekayung banal a Dios ning Israel.

Isaias 33:15

Miligtas kayu nung sabian yu at daptan ing matulid. E yu gagamitan ing upaya yu king pamaglinlang karing pakakalulu at e kayu tatanggap suhul. E kayu makiabe karing magplanung makamate kalupang tau o darapat karing bage a e mayap.

Jeremias 22:17

Oneng ika ala kang aliwang akakit nune mu ing sarili mung kapakanan; pamaten mu lang taung alang kasalanan at alipitan ampon tatampalasan ding kekang memalen. Ing Ginu ya ing migsalita.

Mikeas 2:2

Kuanan da la ring marangle nung mangailangan la; nung bale na la man ding kailangan da, kakuanan da la naman. Ala yang kapilmian a bili ing pamilya na o ing pibandian na ning tau.

Zacarias 8:17

E kayu mimisip gawang nanu pa mang ikapanasakit ning metung at metung. E kayu magsalitang kalaraman king kapamilatan na ning metung a sumpa. Pikakasaman ku ing pamaglaram, ing alang hustisia, at ing pamanampalasan.

Mateo 5:28

Oneng ngeni sasabian ku kekayu: ing ninumang lumawe a ating pamagnasa king metung a babai, mikakasala neng pamakipangalugud king pusu na king babaing ita.

Roma 12:9

Ala sanang pamagkunwari ing lugud yu; pikasaman yu ing e mayap at papanatilian yu ing mayap.

Galacia 4:9

Oneng ngening akikilala yu ne ing Dios o ngening akikilala na kayu ning Dios, makananu kayu ngening bisang magbalik karing tuntunan a alang ulaga at alang sikanan? Obat bisa kayung pa-ipus karela?

Deuteronomio 13:17

Ala kayung nanumang kakuanan karing bage pasira na kekayu ning Ginu ban e ya mibua mua kekayu. Malunus ya kekayu at parakalan na kayu, antimo ing pengaku na karing makatua yu,

Deuteronomio 15:9

Mingat kayu pota e ye saupan at sabian yu king lub yu, Malapit na ing kapitung banua na ning pamamatawad. Nung tanggian yeng saupan isumbung na kayu king Ginu at iti mibilang kasalanan kekayu.

Hebreo 10:39

E tamu kabilang karing mangalinguan at mangapahamak; nune kabilang tamu karing sasalpantaya king Dios a miligtas.

Josue 23:6

Inya tapat yung pamintuan at tuparan ing sablang makasulat king libru na ning Batas nang Moises. Ala kayung lalaktawan agyang metung mu mang dake na niti,

2 Pedro 2:21

Mayap pang e palak ing e ra na bitasang balu ing dalan na ning katuliran kesa king kaybat deng abalu gumulut la king sagradung kautusan a mibie karela.

1 Juan 2:19

E ta la tune kayabe deting tau, inya likuan da katamu. Uling nung tune lang kayabe tamu, menatili la sanang kayabe tamu. Oneng meko la, inya malino king ila ngan e la tune kekatamu.

1 Samuel 15:11

Malungkut ku uling gewa keng ari i Saul; selangsangan na ku at e na la tiparan ding kautusan ku. Mimua ya i Samuel at kabukas yang menalangin king Ginu.