Ding Dalit 101:2 - Ing Mayap a Balita Biblia

² King dalan ning kabanalan karin ku dumalan. O Ginu, kapilan mu ku kaya datangan? Mibiebie kung alang kapintasan king mismung kakung tuknangan.

Ding Dalit 101:2 Iomraidhean Croise

Genesis 18:19

Pinili ke ban ituru na la ding anak na at ing lahi na king pamanupad karing utus ku king kapamilatan na ning pamaniapat da king matulid at king karapatdapat. Tuparan ku naman kanita ing pangaku ku kang Abraham.

2 Samuel 8:15

Mig-ari ya i David king mabilug a Israel, at depat na ing sablang mayap at makatuliran para karing memalen.

1 Ari 11:4

Inyang matua ne ikua reng ayagkat samba karing dios a kikilalanan da reting babaing dayuan. E ya meging tapat king Ginung Dios na; e ne kaugali i David a tata na.

1 Ari 9:4

Nung manatili kang tapat at matulid king akakit ku, antimo i David a tata mu, at daptan ampon pamintuan ing sablang kautusan ku,

2 Cronica 15:17

Agyang e na la ngan lesak Asa ding sablang lugal a pisasamban da ring dayuan king bansa, menatili yang tapat king Ginu king kekaban ning bie na.

2 Cronica 30:12

Magobra ya ing Dios king Juda at pisanmetungan na la ding tau karin ban tupad king utus ning ari at ding pamuntuk na.

Ding Dalit 101:6

Ding taung tapat king Dios ilang kakung pakiabayan; king kakung palasyu paintulutan ku lang manuknangan; detang talagang apagkatiwalan ila mung mipaintulutan aku ing karelang suyuan.

Ding Dalit 119:106

Tuparan ke ing masusi kung pangaku: ing mamintu karing makatuliran mung kautusan.

Ding Dalit 119:115

Kawani kayu kaku, ikong darapat e mayap. Ding utus ning Dios ku ilang pamintuan ku.

Ding Dalit 26:11

Oneng aku matulid ing kakung daraptan; lunus ibie mu at ing kaligtasan.

Ding Dalit 40:17

Maina ku at pakakalulu; oneng e na na ku man kakalinguan ning Ginu kening kakung kabilian. Ika, ing kakung talasaup at Talapagligtas; malagua mu ku sanang saupan, O Dios ko!

Exodo 20:24

Igawa yu kung altar a gabun at babo na niti iyain yu la kanaku bilang ain ding tupa yu ampon baka. Iyain yu la bilang ain-a-durulukan at ain-a-pisulusuluan. Datangan da kayu, at bendisyunan king balang lugal a ituldu ku para king pamanyamba yu kanaku.

Isaias 38:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit daptan itang buri mung parapat kanaku. At menangis yang kapait-paitan.

Deuteronomio 6:7

Ituru yu la karing anak yu neng atyu kayu kilub o lual ning bale, neng magpaynawa kayu o neng magobra kayu.

Josue 24:15

Nung e kayu bisang sumuyu king Ginu, mamili kayu ngening aldong iti nung kaninu kayu sumuyu: karing aliwang dios a simban da ring makatua yu karin Mesopotamia o ding kikilalanan dang dios ding Amoreo ning gabun a ngeni panuknanganan yu? Oneng aku at ing pamilya ku ing Ginu ya ing kekaming suyuan.

1 Samuel 22:14

Kanita pekibat nang Ahimelek king ari, Ninu mo pu karing sabla yung tauan ing kasing tapat nang David a manuyang yu at pekapun da ring bante-sundalus yu, at gagalang da king mabilug yung kayarian?