Ding Dalit 100:3 - Ing Mayap a Balita Biblia

³ Kilalanan yu king ing Ginu ya ing Dios. Ya ing linalang kekatamu at bandi na katamu; itamu ding memalen na at tupang papastulan na.

Ding Dalit 100:3 Iomraidhean Croise

2 Ari 19:19

Ngeni, O Ginu kekaming Dios, iligtas mu kami karing tau Asiria ban akilala da ring bansa king ika mung bukud ing Dios.

1 Cronica 16:14

Ing Ginu ya ing kekatamung Dios, ding kautusan na para king mabilug a yatu la.

Job 10:3

Matulid para keka ing alipitan mu ko? Ing insultuan mu la ding mismung dapat ding gamat mo, at kaybat panusigan pa ing tangka da ring e mayap?

Ding Dalit 119:73

Ika ing linalang at mimingat kaku; dinan mu kung kabiasnan ban kaku lang apagaralan ding kekang kautusan.

Ding Dalit 12:4

detang sasabing atyu king dila ing karelang sikanan, at alang makabawal karela, at ala lang giginuan.

Ding Dalit 149:2

Tumula ka, Israel, uli ning kekang Talapaglalang; uli ning Ari mu, magsaya kayu, memalen ning Zion!

Ding Dalit 46:10

Ngana, Tuknang na kong milalaban at kekong kilalanan king aku ing Dios; sakup ko ding bansa pati ing mabilug a yatu.

Ding Dalit 78:52

Kaybat liwal neng anting tupa ing balen na, at tinaid anting kawan king ilang.

Ding Dalit 79:13

Kanita ikami namang kekang memalen at tupang kekang papastulan ikang pasalamatan king kapilan pa man, at purian alang kapupusan.

Ding Dalit 95:3

Uling ing Ginu, Dios yang mitmung kayupayan; maygit yang mayupaya kesa karing sablang dios-diosan.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Ecclesiastes 12:1

Kayanakan, e me kakalinguan king kekang pangakayanakan ing Dios a linalang keka ban potang datang la ding aldo at banuang magdalang kaguluan e mu asabing: E ku matula king bie.

Isaias 63:11

Oneng aganaka ra kanita ing karelang milabas, itang panaun nang Moises a talasuyu ning Ginu. Kaybat kitang da, Nu ya karin ngeni ing Ginung migligtas karing manimuna na ning balen na keta king dagat? Nu ya karin ing Ginung minie king banal nang espiritu kang Moises?

Isaias 63:19

Linawe mu kaming balamu wari kapilan man e mu ke pa sekupan; anti waring e ke meging pili mung memalen.

Isaias 64:7

Ala metung mang lalapit keka ban manalangin; ala metung mang lalapit keka ban maniawad saup. Pimpan mu ing sarili mu kekami; gilutan mu kami uli da ring kasalanan mi.

Jeremias 10:10

Oneng ika, Ginu, ing tune Dios, ika ing mabie Dios at alang anggang ari. Gagalgal ya ing yatu potang mimua ka; e ra apibata ding bansa ing kekang mua. (

Ezekiel 34:11

Aku, ing Ginung Dios, sasabian ku kekayu king aku ing lumingap karing tupa ku at ingatan ku la.

Juan 17:3

Iti ya ing bie alang angga: ing akilala ra ka, ikang bukud ing tune Dios at i Jesu-Cristo a kekang tinubud.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

Efeso 2:10

Uling ing Dios ya ing linalang kekatamu; lelangan na katamu king kapamilatan nang Cristo Jesus ban idikil ing bie tamu king pamaniapat mayap a sidia na na ning Dios keta pang minuna para kekatamu.

Deuteronomio 32:15

Inyang ding Israelita mabsi na la at metaba, inyang minawa ing bie ra, migmatas la. Gilutan de ing Dios a linalang karela, at lepastangan ing mayupaya dang Talapagligtas.

Deuteronomio 32:6

Makanyan wari ing ablas yu king Ginu, ikong mangmang at alang isip a tao? Aliwa wari ya ing tata yung linalang kekayu, at ing tata yung matatag migdipensa kekayo?

Deuteronomio 4:35

Pepakit na iti kekayu ban abalu yu king ing Ginu ya ing bukud a Dios at ala nang aliwa pa.

Deuteronomio 4:39

Inya sukat yung abalu at tandanan manibat ngeni king ing Ginung Dios ya ing Dios na ning banua at ning yatu. Ala nang aliwa pang Dios subali king Dios ning Israel.

Deuteronomio 7:9

E yu sana kakalinguan king ing Ginung kekayung Dios ya ing bukud mung Dios at tapat ya. Tune neng tuparan ing pangaku na at parala na ing lugud nang e kukupas karing libu-libung lahi a malugud at mamintu karing utus na,

1 Pedro 2:25

Mengari kayung tupang melili; oneng ngeni migbalik na kayu king Pastul at Talaingat da ring kekayung kaladua.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

1 Pedro 4:19

Inya detang daralan kasakitan uli na ning iti ya ing kaburian ning Dios para karela, kailangan dang ipaniwalang lubus ing karelang sarili king katapatan a lub ning karela Miglalang, at isundu ra ing pamaniapat dang mayap.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.