Ding Dalit 100:2 - Ing Mayap a Balita Biblia

² King mitmung tula suyuan ya't samban; lumapit ko king Ginu a ating masayang kanta.

Ding Dalit 100:2 Iomraidhean Croise

1 Ari 8:66

King kawalung aldo pepaulian na la ring tau, at binendisyunan de ring tau ing ari. Masaya lang masayang minuli karing sarasarili dang tuknangan uli na ning bendisyun a binie ning Ginu kang David a talasuyu na at karing memalen ning Israel.

2 Cronica 29:30

Inutus nang Aring Hezekia at ding manimuna karing Levita ing purian ya ing Ginu king kapamilatan da ring kanta a gewa nang Aring David at ing tagapayu nang i Asaf. Inya migkanta lang kapurian ding tau king mitmung tula; siniklaud la at sinamba.

2 Cronica 31:2

Pasibayu neng telakad Aring Hezekia ing katipunan da ring pari at Levita ban agampanan da ing karelang sarasariling katungkulan. Atin karelang minie ain-a-durulukan, ating minie ain-a-kapasalamatan at kapurian, at ating sasaup king kasuyuan pamanyamba. Ding aliwa naman talapagkanta lang kapurian karing miyayaliwa nang lugal king Templo ning Ginu.

Ding Dalit 42:4

Saskup ya ing salu ku potang ing panaun a milabas agaganaka ku, lalung-lalu na inyang kayabe lang taung dakal ing bale ning Dios yang kekeng pintan, kabang masaya lang kukulisak, at pasalamat ding taung tatagun king kapiestan.

Ding Dalit 71:23

Kulisak kung mitmung saya potang magkanta ku para keka; uli ning pamagligtas mu kaku, kaladua ku purian na ka.

Ding Dalit 95:2

Lumapit tamu king Ginu a ating kapasalamatan; masaya tamung magkantang kapurian.

Deuteronomio 12:12

Ikayu, ding anak yu at ipus sukat kayung tumula arapan ning Ginu. Tumula kayung abe ding Levita a manuknangan karing kekayung balen, uling ala lang dake deti king gabun a bandian yu.

Deuteronomio 16:11

Magsaya kayu arapan na ning Ginung kekayung Dios kayabe ding anak yu, ding ipus yu at ding Levita, ding dayuan, ding meulilang tata, at ding mebalung babai a manuknangan karing balen yu. Daptan yu iti ketang lugal a pilinan na ning Ginung kekayung Dios.

Deuteronomio 16:14

King piesta yu, sukat kayung magsaya a kayabe da ring anak yu, ding ipus yu, ding Levita, ding dayuan, ding ulila, at mebalung babai a manuknangan karing balen yu.

Deuteronomio 28:47

Dininan na kayung dakal a mayap a bage ning Ginung kekayung Dios, makanyan man e ye matulang simban at siyuan king mabilug yung pusu.

Filipos 4:4

Tumula kayu sanang parati king pamibiebie yung makayabe king Ginu. At iyulit kung sabian, tumula kayu!