Ding Dalit 10:4 - Ing Mayap a Balita Biblia

⁴ Uling sapat na ing atyu king bie na; ala neng panintunan pa. Ala, alang Dios! ngana ning kaisipan na.

Ding Dalit 10:4 Iomraidhean Croise

Genesis 6:5

Ikit na ning Ginu king tutu nang mikalat ing kasalanan ning tau king yatu at parating e mayap ing atyu king isip na.

Job 22:17

Ila deta ring taung e tinanggap king Dios, at meniwala king e na la ananu balang.

Ding Dalit 101:5

Ing ninumang king lihim sisira king kalupa nang tau kaku yang tanggian; e ke kampian ing taung palalu at mayabang.

Ding Dalit 18:27

Liligtas mu lang taung mapagpakumbaba, oneng ding palalu keka lang ibababa.

Ding Dalit 27:8

Ngamung sinabi, Me keni; panintunan mu ku. Ngakung mekibat, Buri da kang akit, Ginu.

Ding Dalit 36:1

Magsalita ya ing kasalanan king pusu ning taung e mayap; ala yang takut king Dios dit' man.

Ding Dalit 53:1

Ding mangmang karelang sasabian, Alang Dios. Makanyan la ngan, ding taung e mayap; makasumami ing karelang dapat. Ala metung man karela a darapat mayap.

Ding Dalit 73:11

Ngara, Ing Dios ala yang kabaluan; ing Kakataskatasan e na rin atuklasan!

Exodo 5:2

Ngana karela ning ari, Ninu wari ing Ginung yan? Ba't mo kailangan keng pakiramdaman at paintulutan mako ding Israelita? E ke kakilala yang Ginung sasabian yu at e ku la malyaring paintulutan mako ding Israelita.

Ding Kasebian 21:4

Alipan na la ning kaimutan at kapalaluan ding taung tune e mayap, at iti kasalanan.

Ding Kasebian 30:13

Ating taung mimisip king ila tune lang mayapala la kanung kalupa king kayapan, agpang king sarili dang kaisipan.

Ding Kasebian 30:9

Malyaring kakung sabian ing e ra ka balu o e ra ka kailangan, nung sobra ing babie mu kaku. Malyaring manako ku, nung mamulubi ku at layun kang malapastangan, O kakung Dios.

Ding Kasebian 6:17

Ing pamagmaragul, ing dila na ning malaram, ing gamat a makamate karing taung alang kasalanan,

Ecclesiastes 8:11

E ya agad miyatulan ing taung dinapat kasalanan, inya darakal la ding taung darapat e mayap.

Isaias 2:11

Datang ing aldo nung kapilan miyangganan ing ketasan na ning tau at malasak ing kapalaluan na. Kanita ing Ginu ya na mung bukud mirangal.

Isaias 3:9

Maging katibayan laban karela ing karelang pamangabiran. Makalantad na ing pamaniapat dang kasalanan; mengari la karing tau na ning Sodoma. E ra na alisian ing kapahamakan at ila mismu ing makipasari kaniti.

Isaias 59:7

Ala kayung patugut mibabalak e mayap at mamalagua kayung daptan la. E kayu bitasang mikakunung makamate taung alang kasalanan. Kasiran at kapahamakan ing kekayung lalakuan nu kayu man miras,

Isaias 65:2

Menatili kung makasadia ban tanggapan ku lang matula deting memalen ku, deting mangasias a buntuk a darapat e ustu at darapat king sarili dang kaburian.

Jeremias 2:31

Memalen ning Israel, makiramdam kayu king kanakung sasabian. Meging anti ku waring disyerto kekayu, anting maralumdum at mapanganib a lugal? Baket sasabian yu ing daptan yu ing buri yung daptan at king e na kayu magbalik kanaku?

Jeremias 4:14

Jerusalem, wasan mu ing e mayap a atyu king pusu mu ban miligtas ka. Kapilan ka kaya tuknang mimisip e mayap?

Zepania 1:12

King panaun a ita kuma kung sulu at saliksikan ke ing Jerusalem. Parusan ku la ding taung tiwala king panatag dang kabilian a sasabi king lub da, E ya dapat nanumang mayap o e mayap ing Ginu.

Zepania 2:3

Magbalik kayu king Ginu, ikayung sablang mapagpakumbaba keti king bansa a mamintu karing utus na. Daptan yu ing matulid at magpakumbaba kayu arapan ning Ginu. Mapalyaring aligtasan yu ing parusa king aldo nung kapilan na ipakit ning Ginu ing maragul nang mua.

Marcos 7:21

Uling ketang manibatan king pusu na karin magumpisa ing e mayap a kaisipan at ya ing mitutulak keya ban dapat karing bage e mayap: ing pamanako, ing pamakamate,

Ding Dapat 8:22

Inya, sukat kang sumisi at painggulut kaniting e mayap mung kapagnasan, at ipanalangin mu king Ginu ing patawaran na ka sa king pamanisip mu king anti kanyang pamikasala.

Roma 1:21

Balu re ing Dios, oneng e ra babie itang kagalangan a mangaintulid king Dios at e re pasalamatan. Nune meging alang kabaldugan ing karelang pamagmatulid at meralumdum la ding kaisipan dang e makaintindi.

Roma 1:28

At uling e la bisang kilala king Dios, pepaburen na la ning Dios king e mayap dang pamisip angga na ketang daraptan da ing e ra sukat daptan.

Efeso 2:12

E yu kakalinguan king kanitang panaun a milabas makawale kayu kang Cristo; e kayu kabilang king balen Israel at e ra kayu sakup ding kasunduan nung nu la makalaman ding pangaku na ning Dios. Mibiebie kayu kanita king yatu anting alang kapanayan at alang Dios.

Deuteronomio 8:14

E kayu sana magmaragul pota kalinguan ye ing Ginung kekayung Dios a migligtas kekayu king pangayalipan karin king Ehipto.