Ding Dalit 10:1 - Ing Mayap a Balita Biblia

¹ Ginu, ba't lalaut ka kekami? Ba't sasalikut ka king oras ning kaligaligan mi?

Ding Dalit 10:1 Iomraidhean Croise

Job 13:24

Baket pangilagan mu ku? Baket anting kalaban ing tratu mu kaku?

Job 23:9

Penintun ke king dane Norti, oneng e ke ikit karin; minta ku munaman king dane Mauli, oneng e ria naman ikit karin ding kakung mata.

Job 34:29

Nung ing Dios ala yang gawan nanuman, ala metung man ing makapintas. Nung isalikut ne ing lupa na, nanu ing akarapat ning ninuman?

Ding Dalit 22:1

Dios ko, Dios ko, baket pepaburen mu ku? Baket meko kang marayu at saup kaku pigkaimut mu?

Ding Dalit 27:9

Lupa mu e me sa papampan kaku. King kamua mu e me sa palakuan ining kekang alipan. Ika ing kakung kasaupan; e mu ku sa lalakuan o paburen man, O Dios a kakung kaligtasan!

Ding Dalit 30:7

Uli ning kayapan mu telakad mu kung matatag anti ding bunduk a e makikimut; inyang ing lupa mu keka yang pimpan, kaku dinatang ing takut at kaligaligan.

Ding Dalit 44:24

Ba't sasalikutan mu kami? Ba't kelinguan mu ing kekeng kasakitan at kekaming dusa?

Ding Dalit 44:25

Oyni king gabun milugmuk kami; king alikabuk makapase.

Ding Dalit 46:1

Ing Dios ya ing salilungan tamu at sikanan, makasadia yang sumaup king oras ning kaligaligan.

Ding Dalit 88:14

Ginu, obat tatanggian mu ku? Obat kaku sasalikut me ing lupa mu?

Jeremias 14:8

Ika mung bukud ing kapanayan ning Israel, ika ing magligtas kekami king kapahamakan. Baket mengari kang dayuan king kekeng kakarinan, obat anti kang maglakbe a manatili mung misan a bengi?

Jeremias 14:9

Baket mengari ka king lalaking misdan, anti ing sundalung alang sikanan sumaup? Makanyan man, Ginu, atyu ka libutad mi, ikami ding taung kekang pinili; e mu ke lalakuan magdili-dili.