Ding Dalit 1:3 - Ing Mayap a Balita Biblia

³ Mengari ya king tanaman a tutubu lele ning danuman, at mamunga ya king keyang kapanaunan. Sagiwa lang parati ding keyang bulung; magtagumpe sabla nang daraptan.

Ding Dalit 1:3 Iomraidhean Croise

Genesis 39:23

Ala neng pigaganakan pa ing pekapun da ring guardia king sukulan king gagawan nang Jose uling balu na king kayabe ne ing Ginu. At bendisyunan na ning Ginu ing nanumang gagawan na.

Genesis 39:3

Apansinan na niti king katulan ne ning Ginu at papagtagumpen ne king nanumang gagawan na.

2 Ari 18:7

Pitnubayan ne ning Ginu at meging matagumpe ya king heganagana nang gewa. Selangsangan ne ing ari ning Asiria at e ya pepailalam king upaya na.

1 Cronica 22:11

Ngana pang sinabing David, Anak ku, mananu na sanang saupan na ka ning Ginung kekang Dios. Magtagumpe ka sana king pamitalakad mung bale para king Ginu antimo ing pengaku na.

1 Cronica 22:13

Magtagumpe ka nung pamintuan mu la ring sablang kautusan a binie na ning Ginu kang Moises para king Israel. Magpakatatag ka at e ka tatakut o painan man ing lub mu.

2 Cronica 31:21

Meging matagumpe ya uling ing sablang depat na para king Templo o king pangatuparan ning Kautusan; depat na ngan king mitmung katapatan king Dios na.

2 Cronica 32:23

Dakal lang tau ding memamunta king Jerusalem ban miyain ain king Ginu at mangamal a regalu para kang Hezekia. Manibat na kanita kilala da neng mayupaya ding sablang bansa i Hezekia.

Job 14:9

makanyan man potang danum datang manulud ya anting bayung tanaman.

Job 22:28

Nanumang kekang pagnasan, ita miyabie keka, at ing sala sunlag ya king kekang daralanan.

Ding Dalit 128:2

Mangabiayan ka king bunga ning kekang kapagalan; maging masaya ka at minawa ka bie.

Ding Dalit 129:8

Karing lalabas alang sumabi, Bendisyunan na ka sa ning Ginu! Bendisyunan da kayu king lagyu ning Ginu!

Ding Dalit 92:14

Agyang matua na la mamunga la pa; manatili lang mabie at sagiwa.

Ding Dalit 92:15

Pakilala na niti king ing Ginu makatuliran ya; ya ing kakung talaingat a alang kakulangan.

Isaias 27:11

Melangi la at mepakli ding sanga da ring tanaman at titipunan da ring babai ban panangab. Uling ala lang aintindian nanuman ding tau, e na la lunusan ning Dios a karela Miglalang ni pakitanan man king lugud na.

Isaias 3:10

Sabian mu king tumula la ding taung malugud king katuliran at maging masalese para karela ing sablang bage. Akua rang nabangnan ing pipawasan da.

Isaias 44:4

Lumabung lang anti ing dikut, mangari la karing tanaman a tutubu lele ning batis a mamagus.

Isaias 58:11

At manatili kung matnube kekayu at katmuan da kayu king sablang mayap a bage. Pasiknangan da kayu at dinan mayap a pamikakatawan. Mangari kayu karing tanaman king mulahan a parating madidilig at anting batis a e kakati.

Jeremias 17:8

Mangari ya king tanaman a tutubu lele ning batis, at miraras la king danum ding uyat na. E ya tatakut potang ing kaleldo daratang, uling manatili lang sagiwa ding bulung na; e ya maliligalig neng e mumuran; manatili yang mamunga.

Ezekiel 17:8

Oneng mitanam ne ing tanaman a ubas king matabang gabun, king marangle a e milalako basa ban mika malabung yang bulung at mamunga at maging makayama yang tanaman a ubas.

Ezekiel 19:10

Mengari ya ing ima mu king tanaman a ubas a mitanam lele ning mamagus a batis. Uling ating dakal a danum ing ubas melabung ya bulung, at memunga yang punggul-punggul.

Ezekiel 31:5

Uling parati yang miparanuman, meragul yang matas kesa karing aliwang tanaman. Malabung la ding sanga na, at makaba la.

Ezekiel 47:12

Tumubu la king mingatba nang pampang ding miyayaliwang tanaman a mamunga. E la malanat a bulung at e la milako bunga. E tuknang ing karelang pamamunga uling magus karela ing danum a manibat king Templo. Maging pamangan la ding bunga ra at maging panulu la ding bulung da karing masakit.

Ding Bilang 24:6

Mengari la karing malualas a kapatagan, kalupa da la ring hardin king lele ning ilug o ding tanaman a mabanglung tenam ning Ginu, at ding tanaman a sedro lele ning danum.

Mateo 13:6

oneng inyang sinlag ya ing aldo, melanat uling e malalam a yamut.

Mateo 21:19

Menakit yang metung a tanaman a higerang tutubu king lele dalan. Lepitan ne, oneng ala yang ikit nanuman nune mu bulung. Inya sinabi na king higera, E na ka mikabunga kapilan man! Kanita mu rin melangi ya ing tanaman.

Mateo 21:34

Inyang miras na ing panaun ning pamamupul ubas, tiburan na la ding ipus na ban tanggapan da karing kasamak ing parti na.

Mateo 21:41

Ngarang mekibat, Siguradu na lang ipapate ding e mayap a taung deta, at ipakisamak ne ing mulahan nang ubas karing aliwang makisamak a munie king parti na king pupul king panaun a karampatan.

Juan 15:6

Mangari ya ing e manatili kanaku king metung a sangang miyugse at langi ya. Titipunan la ding anti kareting sanga at iyugse king api at maduluk la.

Deuteronomio 28:8

Bendisyunan na la ning Ginu ding kamalig yu at ing sabla yung daraptan. Bendisyunan ne ing gabun a babie na kekayu ning Ginung kekayung Dios.

Judas 1:12

Mengari lang dinat a babie dungis karing pamisulusulu yu anting mikakapatad nung nu la mamangan at miminum king alang kagalangan. Makipangan la mu at ing bukud dang balu ya ing karelang sarili. Mengari lang lulam a pitange-tange na ning angin at alang daralan a uran. Mengari lang tanaman a e mamunga king karelang kapanaunan; tanaman a mebagut a yamut at melanging lubus.

Kapahayagan 22:2

Mamagus libutad ning dalan na ning siudad. Ding mingatbang pampang ning ilug atin lang tunggalan a tanaman a babie bie. Mamunga la balang bulan, at panulu la ding bulung da karing sakit da ring bansa.