Ding Dalit 1:2 - Ing Mayap a Balita Biblia

² Matula na lang pamintuan ding kautusan ning Ginu, at keya lang pagaralan aldo o bengi man.

Ding Dalit 1:2 Iomraidhean Croise

Genesis 24:63

linual ya ban maglakad-lakad king marangle. Miglalawe ya at ikit na lang daratang ding kamelyu.

Ezra 7:10

Telaga nang Ezra ing mabilug nang pangatau king pamagaral king Kautusan ning Ginu, king tuparan ya iti at ituru karing Israelita.

Job 23:12

Memintu kung alang kutang-kutang karing kautusan na; pemintuan kung kaburian na, at aliwa ing kaku.

Ding Dalit 104:34

Mananu na sanang ing kakung pamagkanta makaibie yang tula, uling king Ginu tutula ku.

Ding Dalit 112:1

Purian ya ing Ginu! Mapalad ya ing taung gagalang king Ginu, karing kautusan na matulang tutupad.

Ding Dalit 119:1

Mapalad la detang malinis a pamibiebie; detang mamintu king kautusan ning Ginu.

Ding Dalit 119:11

King kakung pusu karin ku la selikut ding kekang kautusan ban keka e ku mikasala.

Ding Dalit 119:35

Papanatilian mu kung mamintu karing kekang kautusan, uling kareti ing ligaya kakung tatanggapan.

Ding Dalit 119:72

Ipaigit ku la ding utus mu king pilak at gintu niting yatu.

Ding Dalit 119:92

Nung e mu king tulang kakung kakamtan karing kekang kautusan, mete ku sana uli ning kasakitan.

Ding Dalit 40:8

Matula kung tuparan, O Dios ko, ing kekang kaburian! King kakung pusu Kautusan mu ilang makasimpan.

Ding Dalit 88:1

O Ginung Dios a kakung talapagligtas, patitingapun aduan ku ing saup mu, at neng bengi ika mu rin ing kakung ausan.

Jeremias 15:16

Migsalita ka kanaku at pekiramdaman ku ing balang amanu mu. Keka ku, Ginung Dios a Mayupaya, inya ding kekang amanu kitmuan deng tula at ligaya ing pusu ku.

Lucas 18:7

Ngeni, ipagkaymut na kaya ning Dios ing katuliran karetang sariling pinili na a mamaus pasaup keya aldo't bengi? E na la kaya agad saupan?

Lucas 2:37

kaybat mebalu ne kilub ding walung pulu at apat a banua. E bitasang mamako king Templo. Aldo't bengi sasamba ya king Dios king kapamilatan na ning pamag-ayunu at pamanalangin.

Roma 7:22

Ing mabilug kung pangatau tutula ya king kautusan na ning Dios.

1 Tesalonica 2:9

Siguradung atatandanan yu pa, kapatad, nung makananu kaming megobra at migpakapagal aldo't bengi ban e kami maging pabayat kenuman samantalang panaral mi ya kekayu ing Mayap a Balita.

1 Timoteo 4:15

Daptan mu la deting bage at italaga mung lubus ing kekang sarili kareti ban akit da ring sabla ing kekang paniulung.

2 Timoteo 1:3

Pasalamat ku king Dios a susuyuan ku king malinis a konsiensia, antimo ing depat da ring kanakung makatua, ngening parati da kang agaganaka king kanakung pamanalangin aldo't bengi.

Josue 1:8

Parati meng babasan ing libru na ning Batas; pagaralan me neng aldo at bengi at tuparan mu ing sablang makasulat. Kanita mibandi ka at magtagumpe.

1 Juan 5:3

Uling ing pamaglugud king Dios mangabaldugan pamanupad karing kautusan na. At e na la man masakit tuparan ding kautusan na,