Ding Bilang 6:3 - Ing Mayap a Balita Biblia

³ e ya sukat miminum alak o king nanumang inuman a makalasing. E ya naman malyaring minum king nanumang inuman a ibat king katas ning ubas o mangan ubas o pasas.

Ding Bilang 6:3 Iomraidhean Croise

Levitico 10:9

Ika ampon ding anak mu, e kayu miminum alak o nanumang bage makalasing bayu kayu lungub king Toldang tuknangan ku, pota mate kayu. Iti tuntunan yang sukat ipatupad karing lahi yu king kapilan pa man.

Amos 2:11

Pinili ku la ding mapilan karing anak mung lalaki ban maging propeta at ding mapilan karing kayanakan mung lalaki ban maging Nazareo. E wari tutu iti, O memalen ning Israel? Aku, ing Ginu, ing magsalita.

Amos 2:12

Oneng pemilit yu lang minum alak ding Nazareo at binawal yu la ding propeta ban e ra ibie ing amanu ku.

Ding Bilang 6:4

Kilub ding panaun na ning panata na bilang Nazareo, e ya malyaring mangan king nanumang ibat king tanaman ubas agyang balat o butul.

Lucas 1:15

uling maging marangal ya king panimanman na ning Ginu! E ya minum alak o nanumang inuman a makalasing. At mikatmuan ya king Banal a Espiritu manibat king pangabait na.

Lucas 21:34

Mingat kayu! E yu paburen ing mipasoso kayu king katakawan at pamaglasing, at e kayu paibalisa king pamanintun kabiayan, pota dasnan na kayu ning Aldong ita a e kayu makasadia.

Efeso 5:18

E kayu maglasing uling makasira mu iti kekayu, nune pakikuanan yung mikatmuan kayu king Banal a Espiritu.

1 Tesalonica 5:22

Dumayu kayu king sablang anyu na ning marawak.

1 Timoteo 5:23

E mu bukud danum ing kekang inuman. Anti na ning maralas kang sasakit, minum ka namang ditak a alak ban malaso ka pengan.

Hebreo 9:10

Deti makatungkul la mu king pamangan, inuman, at miyayaliwang seremonya king pamaglinis. Puru lang tuntunan at mipatupad la reti anggang e na babayu ning Dios ing sabla.

Ukum 13:14

E ya dapat mamangan king nanumang ibat karing tanaman a ubas. E ya dapat miminum alak o nanumang makalasing o mangan karing pamangan a makabawal. Kailangan nang tuparan ing sablang sinabi ku.

Ukum 13:4

Inya manibat ngeni e ka miminum alak o nanumang makalasing o mamangan king nanumang pamangan a makabawal.