Ding Bilang 4:5 - Ing Mayap a Balita Biblia

⁵ Potang oras na ban lumipat king aliwang lugal, i Aaron at ding anak nang lalaki ila ring lungub king Tolda ban kalag king tabing arap ning Kaban ning Kasunduan at takpan de ing Kaban kaniting tabing.

Ding Bilang 4:5 Iomraidhean Croise

Hebreo 9:3

Ing kaduang dake a atyu king kagulutan na ning kaduang tabing ya itang ausan dang Kabanal-banalan a Lugal.

Mateo 27:51

Ketang penandit a ita megabak ya ing kortina na ning Templo manibat babo angga lalam. Minayun at mebangal la ding batung mangaragul at

Hebreo 10:20

Biklat ne para kekatamu ing metung a bayung dalan, ing metung a dalan a mabie a lalagpus king tabing, ngana wari, tinaglus king katawan na.

Isaias 25:7

Keti na biglang ipawi ing lulam na ning lungkut a malambat nang tatakap karing sablang bansa.

Ding Bilang 10:14

Makaayus ing pamitukituki da ring tribu neng maglakbe la. Ing mumuna ila ring tapuk na ning tribu nang Juda a panimunan nang Nason, ing anak nang Aminadab. Atin lang bandera.

Ding Bilang 4:15

Potang ayari na neng abalut Aaron at ding anak nang lalaki ing Toldang tuknangan ku, ing Ginu, at ding kasangkapan na niti, at miras na ing oras para lumakad, datang la kanita ding pamilya nang Kohat ban ila ring magdala kareting sagradung kasangkapan. Pero e ra la sukat tatagkilan deting kasangkapan, uling mate la kabud tigkilan da la. Ila deti ring katungkulan da ring pamilya nang Kohat neng lilipat de ing Toldang tuknangan ku, ing Ginu.

Exodo 40:3

Ibili me kilub na ing Kaban ning Kasunduan a datukanan karing Apulung Utus at pampanan me king tabing.

Exodo 36:35

Ginawa lang metung a tabing king linen a mapinu a pemaltakan king sinulad a lanang asul, muradu ampon malutu, at birdahan karing larawan da ring kerubin.

Exodo 40:5

Ibili me ing altar a gintu para king pamanduluk insenso king arap ning Kaban ning Kasunduan at isabit me ing tabing king pasbul ning Tolda.

Levitico 16:2

Ngana ning Ginu kang Moises, Sabian mu kang Aaron a kapatad mu king e nia kabud lulub king tabing ning Kabanal-banalan a Lugal nune mu king mitakdang panaun, uling karin ku papakit libutad ning metung a biga tulid ning takap ning Kaban ning Kasunduan. Mate ya, nung e ya tupad kaniti.

Ding Bilang 4:4

Ila ring maging talaingat karing bage sagradu na niti.

Ding Bilang 7:9

Ala yang binie karitun o lalaking baka i Moises karing Kohatita, uling ing obra da ya ing pusanan da la karing pago da ring sagradung bage.

Deuteronomio 31:9

Sinulat neng Moises iting Kautusan na ning Dios at binie ne karing Levitang pari, ding talapagdala king Kaban ning Kasunduan, at karing manimuna na ning Israel.

1 Samuel 6:19

At pete no ning Ginu ding pitung pulung katau karing memalen na ning Bet Semes uling sinilip de ing Kaban ning Ginu. Menangis la ding tau panakit da king mete la ding kabalen da.

1 Cronica 15:15

Pisanan de iti king kapamilatan da ring tambayuk, agpang king inutus na ning Ginu kang Moises.

1 Cronica 23:26

E na kailangan pa ing ibuat de ring Levita ing Toldang tuknangan ning Ginu at ding sagradung kasangkapan na a magagamit king pamanyamba.

2 Cronica 3:14

Megawa ya ing tabing king inabal a linen asul, muradu, at malutu; atin yang larawan da ring binurdahan a kerubin.