Ding Bilang 3:10 - Ing Mayap a Balita Biblia

¹⁰ Ibie mu ing obrang pari kang Aaron at karing anak na. Paten ya ing ninumang mangangas magobra king obra da.

Ding Bilang 3:10 Iomraidhean Croise

2 Samuel 6:7

Mimua ya ing Ginu kang Uzza uling telan ne ing Kaban. Inya pete ne i Uzza uli na ning keyalan nang galang king Kaban ning Dios at mipase ya lele ning Kaban ning Dios.

1 Ari 12:31

Pepagawa ya namang altar a pisasamban karing taluktuk da ring bunduk-bundukan at mibili yang pari karing pamilyang e ibat king tribu nang Levi.

1 Cronica 6:32

Ila ding miliwas-liwas gaganap king katungkulan king arap ning Bale tuknangan ning Ginu angga na inyang pepatalakad neng Aring Solomon ing Templo.

Nehemias 6:11

Sinabi ku, Kailangan waring mamulayi ya ing taung anti kanaku at salikut king Templo ban iligtas ne ing bie na? E ku daptan ing anti kanita.

Exodo 29:9

babatan mu la karing paha at itali mu la ring turban king buntuk da. Makanyan meng ordinan pari i Aaron at ding anak nang lalaki. Ila at ding maging lahi ra ilang sumuyu kanaku bilang pari king kapilan pa man.

Ezekiel 44:8

Lugal king ikayu ing manibala karing bage banal a mitalaga para kanaku, penibala yu la karing dayuan.

Levitico 22:10

E ya malyaring makapangan king bage sagradu ing ninumang e miembru king pamilya ning pari, at pati na detang makipanuknangan king pari o detang makipagobrang upahan na.

Ding Bilang 1:51

Ila ring kalag at mitalakad king Tolda nukarin kayu man munta. Paten ya ing ninumang e karapatdapat a lumapit king Toldang tuknangan ku, ing Ginu.

Ding Bilang 16:10

Pinili na kayu at ding kalupa yung Levita ban sumuyu king Ginu, obat ngeni buri yu pa ing maging pari?

Ding Bilang 16:35

Kaybat, pepauran ne mang api ing Ginu karing aduang dalan limang pulung lalaki at mesilab la ngan kabang duruluk lang insenso.

Ding Bilang 16:40

Paganaka na niting takap altar karing memalen na ning Israel king ing e pari a e ibat king lahi nang Aaron e ya sukat lumapit king altar ning Ginu ban duluk insenso, pota mangari ya kang Kora at karing kayabe na. Tiparan na ngan Eleazar ing sablang parapat na ning Ginu king kapamilatan nang Moises.

Ding Bilang 18:3

Sukat dang tuparan ding Levita ing katungkulan da keka at antimu rin ing katungkulan da king Toldang tuknangan ku. E la sukat lalapit karing sagradung kasangkapan ning Banal a Lugal o ning altar. Mate la at ika kabud linapit kayu.

Ding Bilang 18:7

Bukud mung ika at ding anak mu ing ganap king katungkulan pari, itang ating kaugnayan king altar at king nanumang atyu king Kabanal-banalan a Lugal. Ila deti ring pakibatan mu, uling binie ku keka bilang regalu ing panga-pari. Paten ya ing ninumang e karapatdapat lalapit king altar.

Ding Bilang 3:11

Ngana pa ning Ginu kang Moises,

Ding Bilang 3:38

King dane aslagan arapan na ning Toldang tuknangan ning Ginu karin la manalakad tolda ri Moises at Aaron at ding anak na. Ila ding ating katungkulan mangasiwa king sablang kasuyuan king Banal a Lugal para karing memalen na ning Israel. Subali karela, paten ya ing ninumang lumapit king Banal a Lugal.

Roma 12:7

nung pamaniuyu, gamitan mu king pamaniuyu. Nung pamanuru ing kagiwan a kekang tinggap, gamitan mu king pamanuru,

Efeso 2:19

King uli na niti, e na kayu dayuan a taung ibat king aliwang balen, nune kabalen da kayu ding pinili na ning Dios at kabilang kayu king pamilya na.

Deuteronomio 18:5

Ibie iti karing Levitang pari, uling ila ring pinili na ning Ginung kekayung Dios ban sumuyu king kapilan pa man.

Hebreo 8:4

Nung atyu ya mu keti king yatu, e ya malyaring kilalanan bilang pari king makananu mang paralan, uling atin nang pari keti a munie ain, agpang king Kautusan da ring Judio.

Ukum 17:5

Atin yang sariling altar iting taung i Mica. Ginawa yang mapilan a idolo at metung a efod, at tilduan neng pari ing metung karing anak na.

1 Samuel 6:19

At pete no ning Ginu ding pitung pulung katau karing memalen na ning Bet Semes uling sinilip de ing Kaban ning Ginu. Menangis la ding tau panakit da king mete la ding kabalen da.