Ding Bilang 2:3 - Ing Mayap a Balita Biblia

³ King dane aslagan, arapan na ning Toldang tuknangan ku, ing Ginu, karin ya manalakad tolda ing tribu nang Juda lalam nang pamamahala ning pamuntuk nang i Nason a anak nang Aminadab.

Ding Bilang 2:3 Iomraidhean Croise

Genesis 35:22

Kabang manuknangan ya i Israel king lugal a ita, lepitan neng Ruben i Bilha, ing metung karing babaing kasese nang tata na, at sipingnan ne. Abalu nang Israel iti at mimua ya. Labi lang aduang lalaki ding anak nang Jacob.

Genesis 35:23

Ding ayanak na kang Lea ila di Ruben (ing pangane nang Jacob), Simeon, Levi, Juda, Isacar, at i Zebulun;

1 Cronica 2:10

I Ram ya i tata nang Aminadab, at i Aminadab ya i tata nang Nason, ing pamuntuk da ring anak nang Juda.

1 Cronica 5:2

Makanyan man, ing tribu nang Juda ya ing mekilalang pamuntuk da ring mikakapatad uling ya ing mekapalto manimuna karing tribu, oneng mangaintulid ing pangapangane kang Jose.

Exodo 6:23

Mekiasawa ya i Aaron kang Eliseba a kapatad nang Nason at anak nang Aminadab. Ayanak da la ri Nadab, Abihu, Eleazar, at i Itamar.

Ding Bilang 1:5

Oreni ding lagyu da ring lalaking makasaup keka: i Elizur a anak nang Sedeur ning tribu nang Ruben;

Ding Bilang 1:7

i Nason a anak nang Aminadab ning tribu nang Juda;

Ding Bilang 10:5

Potang makuyad ya ing mumunang tiup ning trumpeta, ding tribung maka kampu king dane aslagan ila ring maglakbe.

Ding Bilang 2:4

Pitu lang pulu't apat a libu at anam a ralan a kabilangan ding makasadiang makilaban.

Ding Bilang 3:38

King dane aslagan arapan na ning Toldang tuknangan ning Ginu karin la manalakad tolda ri Moises at Aaron at ding anak na. Ila ding ating katungkulan mangasiwa king sablang kasuyuan king Banal a Lugal para karing memalen na ning Israel. Subali karela, paten ya ing ninumang lumapit king Banal a Lugal.

Ding Bilang 7:12

King mumunang aldo i Nason, ing anak nang Aminadab at pamuntuk ning tribu nang Juda, ya ing minie ain.

Ding Bilang 7:17

Para king ain-ning-pamisulusulu migdala ya namang aduang lalaking baka, limang lalaking tupa, limang lalaking kambing, at limang lalaking tupa a pabanua tua. Iti ngan ing inain nang Nason a anak nang Aminadab.

Mateo 1:4

Anak neng Aran i Aminadab, anak neng Aminadab i Nason, anak neng Nason i Salmon.