Ding Bilang 1:3 - Ing Mayap a Balita Biblia

³ maki idad nang aduang pulung banua o migit kanita. Iyabe yu la karing sundalus yu detang malyaring makilaban karing kalaban.

Ding Bilang 1:3 Iomraidhean Croise

2 Samuel 24:9

Minie yang ulat i Joab kang Aring David tungkul king bilang da ring memalen a mitala. Walu lang dalan a libu ding sundalus king Israel at makasadia lang makilaban; lima no mang dalan a libu ding king Juda.

1 Cronica 5:18

Atin yang mangatapang a lalaki ing tribu nang Ruben, Gad, at ing tribu nang Manase dane Aslagan. Magaling la king pamangamit kalasag, espada, pana, at king pamakilaban. Apat lang pulu't apat a libu at pitung dalan anam apulu heganagana.

2 Cronica 25:5

Kanita tinipun na lang Aring Amazia ding sablang lalaki da ring tribu na ning Juda at Benjamin. Inayus na la at dininan pamuntuk agpang king bilang a tia dinalan, tia libu, kayabe la kareti ding sablang lalaking idad aduang pulung banua at paitas. Atlu lang dalan a libu heganagana ding sundalus a makasadiang makilaban, at magaling la king pamangamit sibat ampon kalasag.

Exodo 12:17

Sukat yeng gampanan iting Piesta ning Tinape Alang Lebadura uling king aldong iti kanita ku la ngan liwal ibat Ehipto ding tribu yu. Pagselebran ye iting aldo bilang metung a piesta karing panaun a datang pa.

Exodo 30:14

Ing balang kataung mabilang king sensus, ngana wari, ing balang lalaking atyu na king idad a aduang pulung banua o maygit kaniti, sukat nang bayaran kanaku ing anti kaniting alaga.

Exodo 38:26

Katumbas na niting kantidad ing kabilugan a binayad da ring sablang mitala king sensus; binie na ning metung at metung ing karapatdapat a alaga a metimbang, agpang king timbangan na ning santuaryu. Anam a ralan at atlung libu limang dalan at limang pulu kataung maki idad nang aduang pulung banua o maygit pa ding miyabe king listahan na ning sensus.

Ding Bilang 14:29

Mate kayu at mikalat la ding bangke yu king ilang, ikayung mebilang king sensus, ikayung migreklamu laban kanaku, ikayung kayabe karing mebilang manibat king idad aduang pulung banua.

Ding Bilang 26:2

Ilista yu la ngan a bilang ding sablang lalaki na ning Israel agpang king karelang pamilya magumpisa karing maki idad aduang pulung banua at paitas a malyaring talan sandata ban makilaban karing kalaban.

Ding Bilang 3:15

Ilista mu la ngan ding lalaki king tribu nang Levi manibat king pabulan a tua at paitas agpang king karelang pamilya.

Ding Bilang 32:11

Uling e la memintu kanaku king mabilug dang pusu, ala metung mang miras king gabun a pengaku kung ibie kang Abraham, Isaac, at Jacob karing lalaking ibat king Ehipto a magumpisa king idad aduang pulung banua.

Ding Bilang 33:1

Iti ing istoria na ning pamaglakbe da ring memalen na ning Israel manibat inyang meko la Ehipto, agpang karing karelang tribu, lalam nang pamanimunang Moises at Aaron.

Ding Bilang 4:3

at ding sablang lalaking maki idad nang atlung pulung banua anggang limang pulung banua a malyaring makapagobra king Toldang tuknangan ku.

Deuteronomio 24:5

Potang bayu yang kasal ing metung a lalaki, e ya malyaring makilaban king gera bilang sundalus o magobra king gubiernu. Kailangan neng pakiabayan at paligayan kilub ning pabanua ing asawa na.

Deuteronomio 3:18

Ngaku kanita karela, Binie ne ning Ginung kekayung Dios iting gabun king dane nang aslagan ning Jordan ban sakupan ye, oneng ding sablang lalaking matapang a pakasandata makilaban la pang kayabe ding kapatad yung Israelita.