Ding Bilang 1:1 - Ing Mayap a Balita Biblia

¹ Kanitang mumunang aldo ning kadua nang bulan ning kaduang banua kaybat dang meko ring Israelita king Ehipto, migsalita ya ing Ginu kang Moises king Toldang tuknangan ning Ginu karin king Disyerto ning Sinai. Ngana,

Ding Bilang 1:1 Iomraidhean Croise

1 Ari 6:1

Pegumpisan neng pepatalakad Solomon ing Templo kanitang bulan ning Ziv, king kaduang bulan na ning kapat nang banuang pamag-ari king Israel at king kapat a ralan walung pulung banua kaybat dang meko king Ehipto ding Israelita.

Exodo 19:1

Miras la ding Israelita king disyerto ning Sinai kaybat ning atlung bulan ning paglako ra king Ehipto.

Exodo 19:2

Meko la king Refidim at migkampu la king lele na ning Bunduk ning Sinai.

Exodo 25:22

Karin da ka pakikitan at karin king babo na ning takap, pilatan da ring aduang kerubin, ibie ku la keka ding sablang kautusan ku para karing memalen na ning Israel.

Exodo 40:17

Inya king mumuna nang aldo ning mumunang bulan ning kaduang banua manibat king pangalako ra Ehipto, mitalakad ya ing Toldang tuknangan ning Ginu.

Exodo 40:2

Italakad mu ne king mumunang aldo ning mumunang bulan ing Toldang tuknangan ning Ginu.

Levitico 1:1

Karin king Toldang tuknangan ning Ginu inaus ne i Moises at ngana,

Levitico 27:34

Ila deti ring tuntunan a binie na ning Ginu kang Moises karin king Bunduk ning Sinai para karing memalen na ning Israel.

Ding Bilang 1:18

Inyang mumunang aldo na ning kaduang bulan tinipun da la ring sablang Israelita. Linista da la lagyu ring sablang lalaking atyu na king idad a aduang pulung banua at paitas, agpang king sarasarili rang pamilya at tribu.

Ding Bilang 12:4

Kabud-abud migsalita ya ing Ginu kari Moises, Aaron, at Miriam. Ngana karela, Ikayung atlu, munta kayu karin king Toldang tuknangan ku. Inya minta la ilang atlu.

Ding Bilang 9:1

Migsalita ya ing Ginu kang Moises karin king Disyerto ning Sinai kanitang mumunang bulan na ning kaduang banua na ning paglako ra king bansa ning Ehipto. Ngana,

Deuteronomio 1:3

King mumuna nang aldo ning kalabing metung a bulan ning apat apulung banua ning paglako ra Ehipto, sinabi na lang Moises karing Israelita ding sablang bage a inutus na ning Ginu a sabian na karela.

Deuteronomio 2:14

Atlung pulu't walung banua na ing milabas manibat inyang likuan ta ya ing Kades Barnea at angga na kanitang lipatan ta ya ing sapa na ning Zered. Antimo ing matimid nang sinabi ning Ginu, mete la ngan ding sablang lalaking makilaban king panaun a ita.

Deuteronomio 2:7

Binendisyunan na kayu ning Ginung kekayung Dios king sablang depat yu, pitnubayan na kayu king pamaglakbe yu king malualas a disyerto kilub ding apat apulung banua at e kayu bitasang kekulangan king nanumang bage.