Daniel 9:3 - Ing Mayap a Balita Biblia

³ At taimtim kung menalangin king Ginung Dios; menalangin ku king Dios, mig-ayunu, misulud imalan a magaspang, at linukluk ku king abu.

Daniel 9:3 Iomraidhean Croise

2 Samuel 12:16

Menalangin ya i David king Ginu ban kumayap ya ing anak. E ya bitasang mengan at inyang bengi na linub ya king kuartu na at king gabun ya migkera.

Ezra 10:6

Kaybat meko ya king arap ning Templo, at minta ya king kuartu nang Johanan a anak nang Eliasib, at karin na pepalabasan ing bengi. E ya bitasang mengan at minum uling tutu yang malungkut uli na ning kataksilan a depat da ring taung miyugse a mibalik.

Ezra 8:21

Karin king lele ning Ilug ning Ahava inutus ku ing mag-ayunu ke ngan at magpakumbaba arapan na ning kekaming Dios, at aduan ing panimunan na kami king pamaglakbe at pagdipensa na kami ampon ding anak mi at ing sablang pibandian mi.

Ezra 9:5

Inyang oras ning pamiyain ain, tinalakad ku ketang lugal nung nu ku migmalun; gabak-gabak ku imalan at balabal. Kaybat siniklaud ku at tinas ding gamat ku ban manalangin king Ginung kanakung Dios.

Nehemias 9:1

Inyang kadua nang pulu't apat a aldo ning bulan a ita, mitipun la ding memalen na ning Israel ban mag-ayunu. Misulud lang imalan a magaspang at mibiling alikabuk karing buntuk da.

Ester 4:16

Sulung, tipunan mu la ngan ding sablang Judio king Susa, at mag-ayunu kayu para kanaku. E kayu mamangan o miminum kilub ding atlung aldo at bengi. Aku at ding damas ku mag-ayunu kami munaman. Kaybat, lapitan ke ing ari agyang iti labag king kautusan. E bala ing mate ku, nung iti ing kailangan.

Job 42:6

Inya tutu kung pagmarinayan ing heganagana kung sinabi, at sisisian ku king alikabuk at abu.

Ding Dalit 35:13

Inyang masakit la diname ku karela, at pati king pamangan menaguanta; alang tuknang ing panalangin ku para karela.

Isaias 22:12

Mamaus ya kanita keka ing Ginung Dios a Mayupaya ban manangis kayu at magpaldas, ban kalbuan la ding buntuk yu at ban misulud imalan a magaspang.

Jeremias 33:3

Maus ka kanaku at pakibatan da ka; sabian ku la keka ding malagu at makapagmulalang bage a e mu balu.

Ezekiel 36:37

Ngana ning Ginung Dios, Pasibayu ku lang paintulutan ding Israelitang maniawad kasaupan kanaku at parakalan ku ing bilang da antimong metung a kawan a tupa.

Daniel 6:10

Inyang abalitan nang Daniel king ing kautusan mepirma ne, minuli ya bale na. Ating awang ketang kuartu king kadua nang palapag ning bale na. Makayarap la ding awang king Jerusalem. Karin, antimo ing maralas nang gagawan, siniklaud ya arap ding makabuklat a awang at menalangin ya king Dios makatatlung besis patingapun.

Daniel 9:2

Kanitang mumunang banua ning pamag-ari na kasalukuyan ku lang pagaralan ding librung sagradu, at mimisip ku tungkul karing pitung pulung banuang manatili yang lasak-lasak ing Jerusalem, agpang king sinabi na ning Ginu kang propeta Jeremias.

Daniel 9:20

Sindu ku ing pamanalangin, ing pamangilala ku karing kasalanan ku, at ing kasalanan da ring kabalen kung Israelita ampon ing pamakisabi kung mayap king Ginung kanakung Dios king italakad ne sanang pasibayu ing banal nang Templo.

Daniel 9:4

Menalangin ku king Ginung kanakung Dios at kilala ku la king arapan na ding kasalanan da ring kabalen ku. Ngaku, Ginung Dios, mitmu kang dangalan at ikami gagalangan da ka. Tapat ka king kasunduan mu at papakit kang lugud a e kukupas karetang malugud keka at tutupad karing kekang kautusan.

Joel 1:13

Ikong pari king altar susuyu, magaspang a imalan ing isulud yu at kumiak kayu! Templo kekayu yang luban ban karin manangis kabukas! Alang binutil ni alak man ban king kekong Dios iyampang.

Joel 2:12

Oneng agyang ngeni, ngana ning Ginu, sumisi kayu at magbalik lub kaku king mabilug yung pusu, at kayabe ning pamag-ayunu, kiak kayu ampon lungkut.

Jonas 3:5

Meniwala la ding memalen na ning Nineve king mensahi ning Dios. Inya pikayari da king mag-ayunu ya ing balang metung magumpisa king pekamaragul angga king malating dili, misulud lang imalan a magaspang ban ipakit da king sinisi la king depat dang pamikasala.

Mateo 17:21

Oneng bukud mung ing panalangin at pamag-ayunu ya ing makatabi king anti kaniting klasing demonyu.]

Lucas 2:37

kaybat mebalu ne kilub ding walung pulu at apat a banua. E bitasang mamako king Templo. Aldo't bengi sasamba ya king Dios king kapamilatan na ning pamag-ayunu at pamanalangin.

Ding Dapat 10:30

Nganang mekibat Cornelio, Apat nang aldo ing milabas, king anti kaniting oras, manalangin ku kilub ning bale ku, itang bandang alas tres ning gatpanapun. Kabud-abud ing metung a lalaking maslag a pamimalan linto ya king arap ku