Daniel 8:4 - Ing Mayap a Balita Biblia

⁴ Linawe ke ing tupang lalaki. King kapamilatan da ring sagu na manyagudsud ya king dane albugan, norti, at mauli. Alang animal a makasabat o makaligtas king upaya na. Gewa na itang buri na at meging palalu ya.

Daniel 8:4 Iomraidhean Croise

1 Ari 22:11

I Zedekia a anak nang Kenaana, ing metung karing propeta, ginawa yang sagung bakal at ngana kang Ahab, Ing Ginu sasabian na: King kapamilatan da reti labanan mu la ding tau Siria at gisanan mu la ngan paten.

Job 10:7

Balu mu king ala kung kasalanan, at keka alang makapagligtas kaku metung man.

Ding Dalit 44:5

King saup mu deigan mi lang kekeng kalaban; king lagyu mu simbut mi la ngan.

Ding Dalit 50:22

Inya pakatandanan yu, ikong kaku mangalinguan, magkang paglapakan da kayu at alang sumaup kekayu!

Ding Dalit 7:2

Nung ali mangari lang leon idala da ku, at paglapakan da ku, at alang magligtas kaku.

Ezekiel 34:21

Penulak yu la king lele ding masakit at peniagu yu lang pepalakuan king kawan.

Daniel 11:16

Gawan na karela ning Siria a lumusub itang buri nang gawan at alang salangsang. Talakad ya king Gabun a Mipangaku at ipailalam neng lubus king upaya na.

Daniel 11:36

Gawan na ning ari ning Siria itang buri na. Ipagmaragul na king mas mayupaya ya kesa king ninumang dios, mas matas ya agyang king Kakataskatasan a Dios. Malyari nang arapat iti angga king oras a parusan ne ning Dios. Gawan na't tukian ning Dios itang tingka na.

Daniel 5:19

Tune yang pikabaluan at tatakut la kang tata yu at gagalgal ding tau da ring bansa, lahi, at salita. Nung buri neng paten ing ninuman, gawan na; nung buri neng manatiling mabie, daptan na. Parangalan ne o ilako dangalan ing ninumang buri na.

Daniel 5:30

King bengi mu ring ita, pete re i Belsazar a ari ning Babilonia.

Daniel 7:5

Kalupa yang oso ing kaduang mabagsik a animal. Makatalakad ya karing tauli nang bitis. Atin yang kiketan a atlung tagiang at ngana ning metung a bosis, Sulung, kanan mu ing heganaganang karning agyu mung kanan!

Daniel 8:7

Pegumasdan ku ing pamaglusub na king tupang lalaki. Tune yang mua, inya segudsud ne at apakli na la ding adua nang sagu. Ala yang sikanan ing tupang lalaki ban lumaban. Mibalugse ya king gabun at medamusak ya at ala metung man a malyaring makapagligtas.

Mikeas 5:8

Mikalat la karing bansa; mangari la king leon a manintun pamangan king kagubatan o king pipagpastulan. Maglibutad ya karing kawan; salakayan na la ampon paglapakan at ala nang asahan pang kaligtasan.

Deuteronomio 33:17

Ing pangane toro na maging mayupaya ya, ding sagu na anti la king malyap a baka. Ding sagu na ila ding libu-libung tauan nang Manase, at laksa-laksang tauan nang Efraim. Ila deti ring sagupa karing bansa, at itulak da angga karing wakas ning yatu.