Daniel 7:2 - Ing Mayap a Balita Biblia

² na ning ikit ku king benging ita. Tutiup ing angin ibat king makapadurut at sasapulan na ing danum ning dagat.

Daniel 7:2 Iomraidhean Croise

Isaias 17:12

Magugulu la ding bansang mayupaya at mengari ing inge ra king biung ning dagat ampon ding maragul a alun a sasagasa.

Jeremias 49:36

Patiupan ke ing angin karing suluk ning bansa ra laban karela, at ikalat ku la ding memalen na king miyayaliwang lugal angga king ala nang bakwit a e miras king kaisanu pa mang bansa.

Jeremias 51:42

Miglapo ya ing dagat king Babilonia at tikpan ne ning dadabungbung a alun.

Daniel 11:4

Oneng misalbag ya ing kayarian na potang atyu ne king taluktuk ning upaya na at mapirake yang apat a dake. Ding ari a e naman ibat king lahi na ilang kuma king lugal na, oneng e la maki upayang anti ing upayang telanan na.

Daniel 2:19

King bengi mu ring ita mipabalu ya ing misteryu kang Daniel king kapamilatan na ning metung a vision. At pinuri ne ing Dios ning banua. Ngana,

Daniel 7:13

King vision a ikit ku king kekaban ning bengi, ikit ke ing metung a balamu tau. Lalapitan na ku; makapadurut ya king biga at minta ya ketang mabie king kapilan pa man at migpakilala ya.

Daniel 7:7

Kabang maglalawe ku, linto ya ing kapat a mabagsik a animal. Masikan ya at makatakut ampon makapangilabut. Piglapak na la karing ipan nang bakal ding biktima na at kaybat pindamusak na la. E re kalupa ding aliwang mabagsik a animal; atin yang apulung sagu.

Daniel 8:2

King vision kabud ku na ikit ing sarili ku king siudad ning Susa a makapadurut pader king probinsia ning Elam. Makatalakad ku lele ning Ilug ning Ulai.

Daniel 8:8

Lalu yang meging palalu ing kambing, oneng mepakli ya ing sagu na king kasusukdulan ning upaya na. Linto la king lugal na ding apat a kapansin-pansin a sagu; tutuldu ya ing balang metung karing miyayaliwang direksyun.

Zacarias 6:5

Pekibat na, Ila deti ring apat a direksyun na ning angin; kalualalual da pang ibat king arapan na ning Ginu ning mabilug a yatu.

Mateo 24:31

Maramdam ya ing matning trumpeta at itubud na la ding anghel na karing apat nang suluk ning yatu; tipunan da la ring taung pinili na ibat king mabilug a yatu.

Kapahayagan 17:15

Ngana na naman ning anghel kanaku, Ing ikit mung ilug a luluklukan na ning babai, tau la, bansa la, lahi la, at salita.

Kapahayagan 7:1

Kaybat na nita, ikit ku la ding apat a anghel; makatalakad la karing apat nang suluk ning yatu. Pipigilan da la ring apat nang angin ning yatu ban e pa mu mangin king yatu o king dagat o king isanu mang tanaman.