Daniel 6:3 - Ing Mayap a Balita Biblia

³ E melambat pepakit nang Daniel king maygit ya agawa kesa karing aliwang talapanibala at gobernador. Uling mayagyu ya, aisip na ning ari king gawan neng talapanibala king mabilug a kayarian.

Daniel 6:3 Iomraidhean Croise

Ezra 4:22

Kimut na kayu ngeni mu rin bayu la makagawang nanumang kasiran king kayarian.

Nehemias 7:2

Tilduan ku la ding aduang lalaki ban mamahala king siudad ning Jerusalem: i Hanani a kapatad ku at i Hanania a pamuntuk opisyal ning kuta, at tau yang tune apagkatiwalan at ating takut king Dios.

Ester 10:3

Pangadua ya king upaya i Mordecai a Judio king Aring Asueru. Metung yang taung kagalang-galang at katanggap-tanggap karing kalupa nang Judio, uling pigmalasakitan na ing ikakayap da at ing ikaunlad da ring sabla nang kalahi.

Ding Kasebian 17:27

Maingat ya ing taung biasa king pamagsalita na; ding taung e mapali buntuk biasa la.

Ding Kasebian 22:29

Ipakit me kaku ing taung masalese magobra, at ipakit ke keka ing taung maygit kayapan karing dakal at karapatdapat makiarap karing ari.

Ecclesiastes 2:13

Ikit ku king ing kabiasnan sambutan na ing kamangmangan, nung makananung ing sala akmulan na ing dalumdum.

Daniel 5:12

Atin yang makapasubaling kagiwan at beluan ampon gelingan tungkul king pamamie kabaldugan karing paninap, pamaglutas karing bugtung, at pamipalino karing misteryu ning bie. Inya iparakit me ing lalaking i Daniel a pemalagyuan nang Beltesasar ning ari. Sabian na keka nung nanu ing kabaldugan na.

Daniel 5:14

Abalitan ku king ing espiritu ding banal a dios atyu keka at king atin kang beluan ampon kabiasnan.

Daniel 5:7

Kinulisak yang masikan at inutus nang idala da la ring salamangkeru, ding Caldeo, at ding astrologo. Inyang dinatang la ngana karela ning ari, Ing ninumang makabasa king misulat at makaibie kanaku king kabaldugan na mipiblasan yang imalan a purpura, mipasuluran yang gintung kwintas ning dangalan king batal na, at maging katlu ya karing ating upaya king kayarian.

Daniel 9:23

Inyang megumpisa kang mekisabing mayap king Dios, pekibatan na ka. Kaluguran na ka, inya dinatang ku ban sabian ku keka ing pakibat. Ngeni makiramdam ka kabang mamalinawan ke ing vision.