Daniel 5:2 - Ing Mayap a Balita Biblia

² Kabang miminum la, inutus nang Belsazar ing idala da la ring kopang gintu at pilak a lulanan alak a kinua nang Nebucadenesar a tata na karin king Templo ning Jerusalem. Pepakua na la ning ari ban ya, ding marangal a tau, ding asawa na, at ding babaing kasese na makainum la kareting kasangkapan.

Daniel 5:2 Iomraidhean Croise

2 Samuel 9:7

E ka tatakut, nganang David. Maging maganaka ku keka alang-alang kang Jonatan a tata mu. Ibalik ku keka ing sablang gabun nang Saul a ingkung mu at king bale ku karin na ka parating mamangan.

2 Ari 24:13

at dela na naman king Babilonia ing heganaganang pibandian na ning Templo ning Ginu at ning palasyu. Antimo ing asabi na na ning Ginu, pepalaso na lang Nebucadenesar ding gintung kasangkapan a pepagawa nang Aring Solomon para gamitan king Templo ning Ginu.

2 Ari 25:15

Kinua ra ngan ing bage megawa king gintu at pilak; ding malating silyo, ding kawaling gagamitan para king pamagdalang mibabayang uling,

2 Cronica 11:20

Meging asawa nia namang Rehoboam i Maaca a anak nang Absalom. Ayanak na la kang Maaca di Abiya, Atai, Ziza, at Selomit.

2 Cronica 15:16

Leko neng Aring Asa i apu nang i Maaca bilang reynang indu, uling ginawa yang makasumaming idolo na ning diosang i Asera. Digsa neng Asa iting idolo; penadtad neng mangalati at silaban king Kapatagan ning Kidron.

2 Cronica 36:10

Inyang mapupupus ne ing panaun ning dimla, pepayaus neng Aring Nebucadenesar at dela re Babilonia a kayabe ding maulagang kasangkapan ning Templo ning Ginu. Ing gewa nang Aring Nebucadenesar bilang kayalili na king Juda at Jerusalem ya i Zedekia, ing bapa nang Jeoiakin.

2 Cronica 36:18

Kinua na la ngan ding kasangkapan king Templo ning Dios, malati't maragul, ing pibandian a makasalikut karin, pati pibandian ning ari at ding galame na dela na ngan king Babilonia.

Ezra 5:14

At ding sablang gintu at pilak a kasangkapan ning Templo ning Jerusalem a kinua nang Nebucadenesar at dela na king templo na Babilonia sibli na lang Aring Ciro at inintriga king lalaking milagyuan Sesbazar, ing tilduan nang gobernador ning Juda.

Jeremias 27:7

Suyuan de ring sablang bansa at sumuyu la naman karing anak nang lalaki at apung lalaki angga king datang ing oras na ning pangabagsak ning bansa na. Kanita sumuyu ya iting bansa na karing lalung mayupayang bansa at mayupayang ari.

Jeremias 50:35

Ngana ning Ginu, Kamatayan ing karapatdapat king Babilonia! Kamatayan ing karapatdapat karing memalen na ampon pamuntuk, at karing lalaki nang mangabiasa.

Jeremias 52:19

Kinua na ngan ning kapitan da ing sablang bage megawa king gintu at pilak; ding malating silyo, ding kawaling gagamitan para king pamagdalang mibabayang karbun, ding silyo a gagamitan king pamanialud dayang ibat karing ain-sakripisyu, ding lulanan abu, ding pibibilianan sulu, ding silyong gagamitan para king insenso, at ding silyong gagamitan king pamitugtug karing ain-a-alak.

Daniel 1:2

Peintulut ning Ginu ing bihagan ne i Aring Jeoiakim ning Juda at kuanan ding mapilan nang kasangkapan ning Templo ning Dios. Tiki na lang migbalik kayabe na ding mapilan a bihag king templo da ring kikilalanan dang dios king Babilonia, at binili na la ding kasangkapan a ikua na king silid pisisinupan pibandian ning templo.

Daniel 5:11

Ating metung a lalaki king kekang kayarian nung kenu ya atyu ing espiritu ding banal a dios. Pepakit yang talino inyang i tata mu ya ing ari; maki kabiasnan ya at beluan anti ing beluan da ring dios. At ing Aring Nebucadenesar a tata mu, gewa neng pamuntuk da ring mamamanula, ding salamangkeru, ding Caldeo, at ding astrologo.

Daniel 5:13

Kanita mu rin dela re i Daniel king arapan ning ari at ngana ning ari, Ika pin i Daniel, ing Judiong bihag a tiki nang tata ku inyang ibat ya Juda?

Daniel 5:18

Gewa ne ning Kakataskatasan a Dios i tata yung i Nebucadenesar metung a mayupayang ari, at dininan neng dangalan at kamalan.

Daniel 5:23

Dinapat kayung laban king Ginu ning banua at dela yu la keti ding kopa at lulanan ibat king Templo na. Ikayu, ding mangarangal yung tauan, ding kekayung asawa, at ding babaing kekayung kasese ginamit yu la king pamaninum yung alak at pinuri yu la ding kikilalanan yung dios a megawa king gintu, pilak, tangsu, bakal, dutung, at batu; ding dios a e manakit o makaramdam ampon alang balu nanuman. E ye parangalan ing Dios a tatalan king bie yu at magmanehu king heganaganang gagawan yu.

Daniel 5:3

Kanita mu rin dela da la arapan na ding kopang gintu at pilak a lulanan alak, at mininum la ngang alak kareti,

Daniel 5:30

King bengi mu ring ita, pete re i Belsazar a ari ning Babilonia.

Daniel 5:4

at pinuri da la ring kikilalanan dang dios a megawa king gintu, pilak, tangsu, bakal, dutung, at batu.

Ding Bilang 7:79

Minain yang metung a bandehadung pilak a titimbang limang pulung onsa, at metung a pilak a silyo a titimbang atlung pulung onsa, agpang king timbangan ning santuaryu. Mitmu la reti king arinang sinamut king larung olibo bilang ain-a-binutil.