Daniel 4:4 - Ing Mayap a Balita Biblia

⁴ Manawa kung mibiebie king kanakung palasyu, at tatamasan ing maragul a kanawan.

Daniel 4:4 Iomraidhean Croise

Isaias 56:12

Ngara deting lasenggu, Tara, kuma tamung alak at inuman ing anggang agyu tamu! Mas masanting ya ing aldo bukas kesa king ngeni!

Jeremias 48:11

Ngana ning Ginu, Menatili yang mabibie panatag ing Moab at e ya pa mebihag kapilan man. Mengari ya ing Moab king alak a e matatagin king pangapanatili na at e bitasang mililikas king aliwang lulanan. E bitasang milako lasa at menatiling maniaman ing lasa na.

Ezekiel 28:17

Migmayabang ka uli na ning sintingan mu at ing kekang kabantugan gewa na kang anti ing metung a mangmang. Uli na niti, aku bitbat da ka king gabun at likuan da ka karin ban maging babala karing aliwang ari.

Ezekiel 29:3

Sabian mu ing sasabian na ning Ginung Dios king ari na ning Ehipto: Aku ing kekang kalaban, ikang maragul a dapu a makababad king ilug. Sasabian mu king ing Ilug ning Nilo bandi me at ika ing ginawa kaniti.

Daniel 2:11

Tutu yang mabayat ing kayaduanan ning Kekayung Kamalan. Ala metung mang makagawa kaniti para kekayu subali mu ding dios, at e la manuknangan deti libutad da ring tau.

Daniel 4:19

Inya tutu yang meligalig i Daniel a mayayaus munaman king lagyung Beltesasar. E ya mekabulad. Ngana ning ari, Beltesasar, e mu paburen ing ligaligan na ka ning peninap ku at ning mensahi na. Nganang mekibat Beltesasar, Makamal a Ari, sana pu mangaintulid ya ing kabaldugan na ning peninap yu karing kalaban yu at e kekayu.

Daniel 5:8

Linapit la ding mangabiasa na ning ari, oneng metung man karela alang mekabasa king makasulat king pader ni mekaibie king ari nung nanu ing kabaldugan na.

Zepania 1:12

King panaun a ita kuma kung sulu at saliksikan ke ing Jerusalem. Parusan ku la ding taung tiwala king panatag dang kabilian a sasabi king lub da, E ya dapat nanumang mayap o e mayap ing Ginu.