Daniel 4:1 - Ing Mayap a Balita Biblia

¹ Pepalual neng Aring Nebucadenesar ing mensahi para karing memalen da ring bansa, lahi, at salita ning yatu. Ngana: Kukomustan da kayu ngan!

Daniel 4:1 Iomraidhean Croise

1 Cronica 12:18

Kanita ing upaya na ning Dios linub ya kang Amasai, ing metung kareti. I Amasai ya ing meging pekapun da ring Atlung Pulu, at nganang migsalita: David anak nang Jese, kakampi mu kami! Kapayapan keka, kapayapan munaman karing kekang katambayan! Uling ing Dios saupan na ka. Tinggap na lang matulang David at gewa na lang opisyal da ring sundalus na.

Ezra 4:17

Ngana ning pakibat a peparala na ning Ari: Kang Rehum, ing gobernador, kang Simsai, ing kalihim, at karing kayabe rang manuknangan king Samaria at king aliwa nang lugal dane Albugan ning probinsia ning Eufrates: Kukomustan da kayu ngan.

Ezra 5:7

Kang Aring Dario, dasan na kayu pu sana niting sulat king mitmung kapayapan.

Ester 3:12

Inya king kalabing atlung aldo na ning mumunang bulan, inaus na lang Haman ding kalihim na ning ari at inutusan na lang gawang sulat para karing gobernador da ring probinsia at pamuntuk balen. Misulat iti king salitang gagamitan da at king lagyu na ning Aring Asueru. Kaybat tetakan na la king singsing a ating panatak ning ari.

Ester 8:9

Milyari iti kanitang kaduang pulu't atlu nang aldo ning katlung bulan ning Sivan. Inaus na lang Mordecai ding talasulat ning ari at dinikta ne ing metung a sulat para karing gobernador at talapangasiwa karing dinalan aduang pulu't pitung probinsia, magumpisa king India angga king Etiopia. Sinulat da la karing salita da reting probinsia.

Daniel 3:29

At ngeni yutus ku king pamaklian ya bitis ampon gamat at lasakan ya bale ing ninumang taung ibat king isanu mang bansa, lahi, at salita a magsalitang alang kagalangan king Dios da ri Sadrac, Mesac, at Abednego. Ala nang aliwa pang dios a malyaring makapagligtas king anti kaniti.

Daniel 3:4

king masikan a bosis ing metung karing talapagbalita minie yang metung a kapabaluan. Ngana, Memalen da ring bansa, lahi, at salita!

Daniel 6:25

Kanita silatanan na la ngan ning Aring Dario ding memalen da ring bansa, lahi, at salita ning yatu. Ngana: Kukomustan da kayu ngan!

Daniel 6:27

Magligtas ya at maniagip; darapat yang bage pagmumulalan ampon milagru king yatu at king banua. Linigtas ne i Daniel karing leon.

Daniel 7:14

Midinan yang kayupayan, dangalan, at upayang ari ban suyuan de ring tau da ring bansa, lahi, at salita. Manatili king kapilan pa man ing kayupayan na at e ya miwakasan ing kayarian na.

Zacarias 8:23

King panaun a ita, lumapit la ding apulung dayuan king metung a Judio at sabian da, Bisa kaming mirakayanan king mayap yung kalma uling abalitan mi king ing Dios atyu ya kekayu.

Ding Dapat 2:6

Inyang dimdam da iting alingongo mitipun-tipun la ding dakal a tau. Mengasdan la ngan uling dimdam da lang migsalita ding apostol king amanu nang sisuan ning balang metung karela.

Roma 1:7

Kekayu ngan sablang atyu Roma, kekayung pakamalan na ning Dios at inaus nang maging sarili nang balen: Ibie na sa kekayu ning Dios a Ibpa tamu at ning Ginung Jesu-Cristo ing grasya at kapayapan.

Efeso 1:2

Miyabie sana kekayu ing grasya at kapayapan a ibat king Dios a kekatamung Ibpa at king Ginung Jesu-Cristo.

1 Timoteo 1:2

Miparala ya kang Timoteo, ing tune kung anak king kasalpantayanan. Mananu na sanang miyabie keka ing grasya, lunus at kapayapan a ibat king Dios Ibpa at Cristo Jesus a kekatamung Ginu.

1 Pedro 1:2

Ikayu ding pinili na ning Dios Ibpa ketang parasan na at pepabanalan na kapamilatan na ning Espiritu na ban mamintu kang Jesu-Cristo, layun luminis king upaya na ning kamatayan na. Ing grasya at kapayapan manatili sanang labis-labis kekayu.