Daniel 3:4 - Ing Mayap a Balita Biblia

⁴ king masikan a bosis ing metung karing talapagbalita minie yang metung a kapabaluan. Ngana, Memalen da ring bansa, lahi, at salita!

Daniel 3:4 Iomraidhean Croise

Ester 8:9

Milyari iti kanitang kaduang pulu't atlu nang aldo ning katlung bulan ning Sivan. Inaus na lang Mordecai ding talasulat ning ari at dinikta ne ing metung a sulat para karing gobernador at talapangasiwa karing dinalan aduang pulu't pitung probinsia, magumpisa king India angga king Etiopia. Sinulat da la karing salita da reting probinsia.

Isaias 40:9

O Jerusalem, mukiat ka king matas a bunduk; isalita mu ing mayap a balita! O Zion, isikan mu ing pamaniaus mu; isalita mu ing mayap a balita! Magsalita kang masikan; e ka tatakut. Sabian mu karing balen ning Juda king ing karelang Dios daratang ya!

Isaias 58:1

Ngana ning Ginu, Kulisak kang masikan anggang binit mu! Sabian mu karing memalen kung Israelita ing kasalanan da!

Daniel 3:10

Ing Kekayung Kamalan pepalual yang kautusan a kabud magumpisa ing tigtigan, duku ya at samba ing balang metung at metung king gintung estatua,

Daniel 3:3

Inyang mitipun na la at pakatalakad arap ning estatua,

Daniel 3:7

Inyang dimdam da ing tigtigan da ring instrumento ning musika, ding taung ibat karing bansa, lahi, at salita dinuku la at simban de ing gintung estatua a pepagawa nang Aring Nebucadenesar.

Daniel 4:1

Pepalual neng Aring Nebucadenesar ing mensahi para karing memalen da ring bansa, lahi, at salita ning yatu. Ngana: Kukomustan da kayu ngan!

Daniel 4:14

Nganang sinabi king masikan a bosis, Kuturan me ing tanaman at tabasan mu la ding sanga na; lugusan me bulung at ikalat mu la ding bunga na. Itabi mu la ding animal a makasalilung lalam na at ding ayup karing sanga na.

Daniel 6:25

Kanita silatanan na la ngan ning Aring Dario ding memalen da ring bansa, lahi, at salita ning yatu. Ngana: Kukomustan da kayu ngan!

Hosea 5:11

Gigipitan de ing Israel. Palakuan de king gabun a bandi na, uling pinilit na ing maniawad yang saup karetang e makaibie saup.

Mikeas 6:16

Iti mapalyari uling pekiapusan yu ing e mayap nang ugali ning Aring Omri at ing anak nang i Aring Ahab. Uling menatili kayung tutuki karing palakad da, inya ibagsak da kayu at muli kayung pikakasaman da ring sabla. Insultuan da kayu ding tau nukarin man.

Kapahayagan 5:9

Kinta de ing bayung kanta. Ngara, Ika ing karapatdapat kuma king libru, at mibuklat karing tatak na. Uling pete ra ka at king kapamilatan na ning kekang kamatayan keka lang linigtas para king Dios ding taung manibat king balang lahi, salita, balen, at bansa.