Daniel 3:1 - Ing Mayap a Balita Biblia

¹ Pepagawa yang gintung estatua ing Aring Nebucadenesar; siam yang pulung talampakan king katas at siam yang talampakan king kalapad. Pepabili ne king kapatagan ning Dura king probinsia ning Babilonia.

Daniel 3:1 Iomraidhean Croise

1 Ari 12:28

Kaybat nang pegaralan iting bage, pepagawa yang aduang torong gintu, at kaybat ngana karing memalen, Memalen ning Israel, magkakasakit kayung pupunta Jerusalem. Oreni ding dios a milual kekayu king Ehipto.

Ester 1:1

Ing sasakupan nang lugal Aring Asueru ning Persia inyang kapanaunan na magumpisa ya king India at angga ya king Etiopia. Bibilugan de ring dinalan aduang pulu't pitung probinsia.

Ding Dalit 135:15

Ding dios-diosan da ring bansa megawa la king gintu ampon pilak; gewa da la ring taung magaling a pangamat.

Exodo 20:23

E kayu gagawang dios a pilak o gintu a pakipante yu kanaku at para samban subali kanaku.

Exodo 32:31

Inya belikan neng Moises ing Ginu at ngana, Dinapat lang tutung maragul a pamikasala ding taung deti. Ginawa lang metung a dios king gintu at saka re simban.

Isaias 2:20

Potang datang ne ing aldong ita, panugse da la ring idolong gintu at pilak a karelang gewa at paburen da la karing dagis at talibatab.

Isaias 30:22

Kuanan yu la kanita ding kekayung idolo a tilbug king pilak at gintu at iyugse yu lang anting basura. Ngayung sumabi, Mabating kayu king arapan ku!

Isaias 46:6

Bubuklat do ring tau ding karelang suput, at gintu ing karelang bubulus; pilak karelang titimbangan. Manupa lang plateru ban gawa lang dios, at kaybat dukuan ampon samban.

Jeremias 10:9

Ding idolo da belutanan lang pilak a ibat Tarsis at king gintung ibat king Ufas; pawa la ngang dapat da ring magaling a pangamat. Asul at muradu ing imalan a pasulud da a gewa ding magaling a gagawang imalan.

Jeremias 16:20

Malyari ya waring makagawang dakal a dios ing tau? Nung makagawa ya, e la tune dios ding agawa na.

Daniel 2:48

Kanita dininan neng matas a katungkulan i Daniel at dininan neng dakal a makapagmulalang regalu; gewa neng talapanibala king probinsia ning Babilonia, at gewa neng pamuntuk da ring tagapayu ning palasyu.

Daniel 2:49

King kayaduanan nang Daniel king ari, di Sadrac, Mesac, at Abednego megawa lang talapanibala karing miyayaliwang katatagan ning probinsia ning Babilonia; oneng menatili ya i Daniel king palasyu ning ari.

Daniel 3:14

Ngana ning ari, Sadrac, Mesac, at Abednego, tutu pin king e kayu bisang samba king kanakung dios at e kayu bisang duku king gintung estatuang pepagawa ko?

Daniel 3:30

At king probinsia ning Babilonia tinas na la katungkulan ning ari di Sadrac, Mesac, at Abednego.

Daniel 5:23

Dinapat kayung laban king Ginu ning banua at dela yu la keti ding kopa at lulanan ibat king Templo na. Ikayu, ding mangarangal yung tauan, ding kekayung asawa, at ding babaing kekayung kasese ginamit yu la king pamaninum yung alak at pinuri yu la ding kikilalanan yung dios a megawa king gintu, pilak, tangsu, bakal, dutung, at batu; ding dios a e manakit o makaramdam ampon alang balu nanuman. E ye parangalan ing Dios a tatalan king bie yu at magmanehu king heganaganang gagawan yu.

Daniel 5:4

at pinuri da la ring kikilalanan dang dios a megawa king gintu, pilak, tangsu, bakal, dutung, at batu.

Hosea 2:8

E na balu king aku ing minie king binutil, king alak, at king larung olibo at king sablang pilak at gintu a ginamit na king pamanyamba na kang Baal.

Hosea 8:4

Memili lang ari da, oneng e king pamamilatan ku. Tinuldu lang manimuna, oneng iti e ku kabaluan. Ginawa lang idolo karing karelang pilak at gintu; iti mekasira karela.

Habakuk 2:19

Makalunus na kayo! Sasabian yu king kapirasung dutung, Migising ka! o king kapirasung batu, Mibangun ka! Atin ya waring malyaring apabalu kekayu ing metung a idolo? Mapalyaring belutanan yang pilak at gintu, oneng e ne man mabie.

Ding Dapat 17:29

Anti na ning anak na katamu ngan ning Dios, ala tamung matulid misip king ing kadiosan na kalupa na ning isanu mang megawa king gintu, pilak, at batu a inubug na ning gelingan na pangamat at pandukit ning tau.

Ding Dapat 19:26

Sasaksian yu at daramdaman mismu nung nanu ing daraptan na niting taung ausan dang Pablo. Sasabian na king ding dios a gewa da ring tau e la tutung dios at akakua na lang apapaniwalan ding dakal a tau maging keti king Efeso at halus king kabilugan a probinsia na ning Asia.

Deuteronomio 7:25

Silaban yu la ring dinukit dang larawan a kikilalanan dang dios. E yu pagimbutan ing karelang pilak o gintu; e yu kakuanan uling deti mengari lang silu at pota marakap kayu. Masusumami ya ing Ginung kekayung Dios king anti kaniting pamanyamba.

Kapahayagan 9:20

E la sinisi ding mitagan karing taung e mete karing salut. E la ginulut king mismung dapat da. Sindu ra mu rin ing pamanyamba ra karing demonyu at karing larawan a gintu, pilak, tangsu, batu, at tanaman a e naman manakit ni makaramdam o makalakad.