Daniel 2:4 - Ing Mayap a Balita Biblia

⁴ Pekibatan de ing ari king salitang Aramaico. Ngara, Makamal a Ari, mananu na sanang ing Kekayung Kamalan mie ya kapilan man. Sabian yu ing peninap yu at ibie mi ya kabaldugan kekayu.

Daniel 2:4 Iomraidhean Croise

Genesis 31:47

Inaus neng Laban Yegar-sahaduta iting lugal, pero Galed naman ing inaus nang Jacob kaniti.

Genesis 41:8

E ya mipaindatun itang kayabakan. Pepatubud ya at pepayaus na la ring sablang salamangkeru at ding taung mangabiasa ning Ehipto. Kinwentu na la ning ari karela ding apaninap na, oneng ala metung man karela ing mekaibie kabaldugan karing peninap na.

1 Ari 1:25

Ngening aldong iti minta ya at minain yang dakal a toro, tupa, at pepatabang baka. Kinumbira na la ngan ding anak yung lalaki, i Joab, ing pekapun da ring sundalus yu, at i Abiatar a pari. Ngening penandit a iti mamangan la at miminum kayabe na, at kukulisak da, Luid ya ing Aring Adoniya!

1 Ari 1:31

Dinuku ya at siniklaud i Batseba arapan ning ari at kaybat ngana, Mananu na sanang ing ginung kanakung ari mie ya kapilan man!

2 Ari 18:26

Ngarang mekibat di Eliakim, Sebna, at Joa, Nung malyari sana, magsalita kayu kekami king salitang Aramaico uling aintindian mi. E yu kami sana pakipagsalitan king salitang Hebreo king daramdaman da ring kabalen ming atyu karing pader.

Ezra 4:7

Makanyan munaman ing depat da inyang panaun nang Aring Artaxerxes. Ding mindalum karela ila di Bislam, Mitredat, Tabel, at ding aliwa da pang kayabe. Sinulat de ing dalum da king salitang Aramaico, oneng linikas de iting sulat ban aintindian ne ning mamasa.

Nehemias 2:3

at ngakung mekibat, Kagalang-galang a Ari, kumaba pu sana ing bie yu! Malungkut ku pu uling lasak-lasak ya ing siudad nung nu la mikutkut ding makatua ku at silab la ding pasbul nang dalan.

Isaias 36:11

Ngarang mekibat di Eliakim, Sebna, at Joa king pamuntuk, Nung malyari sana magsalita kayung Aramaico uling makaintindi ke king salitang Aramaico. E yu ke pakisabian king Hebreo uling makiramdam la ding sablang taung atyu king lele ning pader.

Isaias 44:25

Gagawan ku lang mangmang ding taung mamamanula, at bibiguan ku ing ula da ring magaral karing batuin. Palaraman ku la ding amanu da ring mangabiasa, at papakit ku king ing karelang kabiasnan kamangmangan mu.

Daniel 1:4

Sukat lang masanting, biasa, mayan ituru, at alang kapansanan king pamikakatawan da ban maging karapatdapat lang sumuyu king palasyu ning ari. I Aspenaz ya ing turu karela king pamamasa at pamaniulat king salita da ring tau Babilonia.

Daniel 2:7

Pasibayu reng pekibatan ing ari. Ngara, Nung sabian ya mu kekami, Makamal a Ari, ing apaninap yu, ibie mi ya kabaldugan kekayu.

Daniel 3:9

Ngara kang Aring Nebucadenesar, Makamal a Ari, mananu na sanang kumaba kayu bie!

Daniel 4:19

Inya tutu yang meligalig i Daniel a mayayaus munaman king lagyung Beltesasar. E ya mekabulad. Ngana ning ari, Beltesasar, e mu paburen ing ligaligan na ka ning peninap ku at ning mensahi na. Nganang mekibat Beltesasar, Makamal a Ari, sana pu mangaintulid ya ing kabaldugan na ning peninap yu karing kalaban yu at e kekayu.

Daniel 4:7

Kanita dinatang la ding mamamanula at salamangkeru, ding mangabiasa ampon astrologo, at sinabi ke karela ing apaninap ku, oneng e re balung dinan kabaldugan kanaku.

Daniel 4:9

Beltesasar a pamuntuk da ring mamamanula, balu ku king atyu keka ing espiritu ding banal a dios at aintindian mu la ding heganaganang misteryu. Iti ya ing kanakung apaninap. Sabian mu kanaku ing kabaldugan na.

Daniel 5:10

Dimdam ning reynang ima na ning ari ing inge ning ari ampon ding mangarangal nang tauan, at linub ya king lugal nung nu mararapat ing pamisulusulu. Ngana, Mananu na sanang ing Kekang Kamalan mie ya kapilan man! E ka sa pailingasngas at binang manimutla.

Daniel 5:8

Linapit la ding mangabiasa na ning ari, oneng metung man karela alang mekabasa king makasulat king pader ni mekaibie king ari nung nanu ing kabaldugan na.

Daniel 6:21

Nganang Daniel, Sana ing Kekayung Kamalan mie ya kapilan man!

Daniel 6:6

Inya minta la king ari at ngara, Aring Dario, sana ing Kekayung Kamalan mie ya kapilan man!

Daniel 6:7

Ikaming mamahala king kekayung kayarian, ding talapanibala, ding gobernador, ding tagapayu, at ding aliwa pang pamuntuk pikayari mi king sana ing Kekayung Kamalan palual yang metung a kautusan at patupad yeng mitmung kaigpitan. Munie kayung kautusan ban kilub ding atlung pulung aldo ala ninumang tau a makapaniawad nanumang bage king kaninu mang dios o kaninu mang tau subali mu king Kekayung Kamalan. Miyugse ya ing ninumang labag king kautusan king kulungan ding leon.

Mateo 21:9

Ding tutung dakal a taung lalakad makauna kang Jesus at ding atyu king kagulutan na sinabi rang masikan: Purian ya ing Anak nang David! Bendisyunan ne sa ning Dios ing daratang king lagyu na ning Ginu! Purian ya ing Dios!

1 Samuel 10:24

Nganang Samuel king mabilug a balen, Oyni ing taung pinili na ning Dios! Ala yang kalupa. Ngara ngang kinulisak, Luid ya ing ari! Luid ya!