Daniel 11:3 - Ing Mayap a Balita Biblia

³ Kaybat na nita, lunto ya ing metung a mayupayang ari. Ya ing sumakup king metung a maragul a kayarian at gawan na ing nanumang buri na.

Daniel 11:3 Iomraidhean Croise

Daniel 11:16

Gawan na karela ning Siria a lumusub itang buri nang gawan at alang salangsang. Talakad ya king Gabun a Mipangaku at ipailalam neng lubus king upaya na.

Daniel 11:36

Gawan na ning ari ning Siria itang buri na. Ipagmaragul na king mas mayupaya ya kesa king ninumang dios, mas matas ya agyang king Kakataskatasan a Dios. Malyari nang arapat iti angga king oras a parusan ne ning Dios. Gawan na't tukian ning Dios itang tingka na.

Daniel 4:35

Lalawan na lang alang ulaga ding tau ning yatu; atyu la lalam ning upaya na ding anghel ning banua, at ding tau king yatu. Ala metung man ing makasalangsang king kaburian na o makapangutang king gagawan na.

Daniel 5:19

Tune yang pikabaluan at tatakut la kang tata yu at gagalgal ding tau da ring bansa, lahi, at salita. Nung buri neng paten ing ninuman, gawan na; nung buri neng manatiling mabie, daptan na. Parangalan ne o ilako dangalan ing ninumang buri na.

Daniel 7:6

Kabang pagumasdan ke, linto ya ing aliwang mabagsik a animal. Kalupa ne ning leopardo, oneng atin yang apat a pakpak king gulut na; kalupa da ring kareng ayup at atin yang apat a buntuk. Atyu ing itsura ning ating upaya.

Daniel 8:21

Lalarawan ne ning kambing ing kayarian ning Grecia, at ing kapansin-pansin a sagu pilatan da ring mata na ya ing mumunang ari.

Efeso 1:11

At uli nang Cristo, meging balen na kami ning Dios a darapat karing sablang bage agpang king parasan na inyang pinili na kami keta pang minunang panaun.

Hebreo 2:4

Pepatutuan na naman ning Dios iti king kapamilatan da ring mangayupayang tanda, milagru at miyayaliwang pagmumulalan, at king kapamilatan da ring regalu na ning Banal a Espiritu a binie na karing dakal a tau agpang king kaburian na.

Santiago 1:18

King sarili nang kaburian beit na katamu king kapamilatan na ning amanu ning katutuan ban itamu ding maging mumunang diling bunga na ning sablang lelangan na.