Daniel 1:2 - Ing Mayap a Balita Biblia

² Peintulut ning Ginu ing bihagan ne i Aring Jeoiakim ning Juda at kuanan ding mapilan nang kasangkapan ning Templo ning Dios. Tiki na lang migbalik kayabe na ding mapilan a bihag king templo da ring kikilalanan dang dios king Babilonia, at binili na la ding kasangkapan a ikua na king silid pisisinupan pibandian ning templo.

Daniel 1:2 Iomraidhean Croise

Genesis 10:10

King pasimula ing kayarian na ila ding Babilonia, Erek, at Akkad. Atyu la ngan deti king sakup na ning Sinar.

Genesis 11:2

Kabang manintun lang pituknangan ding tau king bandang aslagan, miras la king lugal a patag king sakup ning Sinar at karin la menuknangan.

2 Ari 24:1

King panaun na ning pamag-ari nang Jeoiakim, lisuban neng Aring Nebucadenesar ning Babilonia ing Juda. Mipailalam ya king upaya na i Jeoiakim kilub ding atlung banua. Kaybat na nita, mig-rebeldi yang laban kang Aring Nebucadenesar.

2 Cronica 36:5

Adua yang pulu't limang banua i Jeoiakim inyang meging ari ya king Juda, at mig-ari ya king Jerusalem kilub ding labing metung a banua. E mayap ing depat na king akakit na ning Ginung Dios na.

2 Cronica 36:7

Kinua na la namang Nebucadenesar ding kasangkapan ning Templo ning Ginu at dela na la king palasyu na Babilonia.

Ezra 1:7

Sibli na la karelang Aring Ciro ding kasangkapan na ning Templo a kinua nang Nebucadenesar king Templo ning Jerusalem a dela na king templo ning kikilalanan nang dios.

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Isaias 42:24

Ninu ing pepaintulut king ing Israel panakawanan de? Ing Ginu mismung kekatamung pikasalanan! E ta kasi mebisang mibiebie antimo king buri na ni pemintuan ding turu a binie na.

Jeremias 25:1

King kapat nang banuang pamag-aring Jeoiakim, ing anak nang Josias ning Juda, tinggap ke ing mensahing ibat king Ginu tungkul karing sablang memalen na ning Juda. (Iti ya ing mumunang banua na ning pamag-ari nang Nebucadenesar ning Babilonia.)

Jeremias 27:16

Kanita sinabi ku karing pari at karing tau king ing Ginu sinabi na: E kayu makiramdam karing propeta a sasabing e lumuat misubli lang ibat king Babilonia ding kasangkapan na ning Templo. Maglaram la kekayu!

Jeremias 28:3

Kilub ding aduang banua ibalik ku la keting lugal ding sablang kasangkapan na ning Templo a kinua na at delang Nebucadenesar king Babilonia.

Jeremias 35:11

Inyang lisuban neng Aring Nebucadenesar ing bansa mi, pikayari mi ing munta kami king Jerusalem ban miligtas karing sundalus na ning Babilonia at Siria. Iti ya ing sangkan nung inya manuknangan ke king Jerusalem.

Jeremias 50:2

Sabian yu, ibalita yu karing bansa! Ibalita yu! Ibie ye ing sinial at ipamalita yu! E yu sukat isalikut ing balita! Mibagsak ne ing Babilonia! Ing dios dang i Marduk mengapirasu ya! Mengapakarine lang idolo na, ding makasumami nang larawan mengalasi la!

Jeremias 51:44

Parusan ke i Bel, ing kikilalanan nang dios ning Babilonia, at ipasubli ku la keya ding bage penako na; e ra ne samban pa ding bansa. Mibagsak la ding pader ning Babilonia.

Daniel 5:13

Kanita mu rin dela re i Daniel king arapan ning ari at ngana ning ari, Ika pin i Daniel, ing Judiong bihag a tiki nang tata ku inyang ibat ya Juda?

Daniel 5:18

Gewa ne ning Kakataskatasan a Dios i tata yung i Nebucadenesar metung a mayupayang ari, at dininan neng dangalan at kamalan.

Habakuk 1:16

Sasamban da la at ampanganan ain-sakripisyu ding karelang lambat, uling ding lambat da ilang babie karela king pekamayap king sabla-sabla.

Zacarias 5:11

Nganang mekibat, King Babilonia, nung nu la manalakad templo para kaniti. Potang mayari ne ing templo, ibili de karin ing kaing ban samban.

Deuteronomio 32:30

Makananu na lang adaig ning metung a tau ding libu, at ding adua sambutan da la ring apulung libung tau subali mu nung gulutan na la at paburen ning Dios a Ginu ra.

Ukum 2:14

Inya meragul ing mua na ning Ginu king Israel, at peintulutan na ing luban da la ring manlub at panakawanan da la. Peintulut na ing masambut la karing kalaban dang makapadurut karela, at e ra na agyung idipensa ding Israelita ing sarili da.

Ukum 3:8

Inya mimua ya ing Ginu karing Israelita at pepaburen na lang menabu king gamat ning Aring Cusan Risataim ning Mesopotamia. Mipailalam la king upaya na kilub ding walung banua.

Ukum 4:2

Inya peintulut na ing masambut la kang Jabin, ing ari na ning Canaan a mamuntukan king siudad ning Hazor. I Sisera ya ing pamuntuk da ring sundalus na a manuknangan king Haroset-da-ring-Paganu.

1 Samuel 5:2

Linub de king templo ra at binili re siping na ning kikilalanan dang dios a i Dagon.