3 Juan 1:4 - Ing Mayap a Balita Biblia

⁴ Ala nang maygit pang makaibie tula kanaku kesa king damdaman ku ing balita a mabibie la king katutuan ding kanakung anak.

3 Juan 1:4 Iomraidhean Croise

1 Ari 2:4

at tuparan na ning Ginu itang pengaku na. Ngana, Nung ding anak mu at ding maging anak da manatili lang tapat kanaku at mamintu king kaburian ku king mabilug dang pusu at kaladua, kanita manatili lang mag-ari king Israel.

1 Ari 3:6

Pekibat nang Solomon, Pepakit kayung maragul at alang kupas a lugud king talasuyu yung i David a tata ku, uling menatili yang tapat kekayu, makatuliran, at malinis a pusu. At pepanatilian yu naman kang tata ku iting maragul at alang kupas yung lugud, at dininan ye pang metung a anak a menalili king tronu na.

2 Ari 20:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit gawan itang buri mung pagawa kanaku. At menangis yang kapait-paitan.

Ding Kasebian 23:24

Ing tata ning taung mayap atin yang matulid tumula uling atin yang anak a biasa.

Isaias 38:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit daptan itang buri mung parapat kanaku. At menangis yang kapait-paitan.

Isaias 8:18

Atyu ku kening kayabe da ring anak a binie na ning Ginu kanaku. Ing Ginung Mayupaya a makatronu king Bunduk ning Zion, tinubud na kami bilang mabie nang mensahi para karing memalen na ning Israel.

2 Corinto 6:13

Magsalita ku kekayu ngeni antimong tata yu; ibuklat yu la ding pusu yu kanaku, nung makananu keng biklat kekayu ing pusu ku.

Galacia 2:14

Inyang ikit ku king ing dalan a tutuntunan da makalisia ya king katutuan a tuturu na ning Mayap a Balita sinabi ku kang Pedro king arap da, Ika metung kang Judio, oneng ing panugali mu e panugaling Judio, nune panugaling paganu. Inya nanu ing matulid mu para pilitan mu lang manugaling anting Judio ding paganu?

Galacia 4:19

Pakamalan kung anak, misan pa, kalupa na ning babaing manganak, pasibayu kung daralan kasakitan king uli yu anggang e ya miyubug kekayu i Cristo.

1 Tesalonica 2:11

Antimo ing balu yu, meging anti keng tata king balang metung at metung kekayu.

1 Timoteo 1:2

Miparala ya kang Timoteo, ing tune kung anak king kasalpantayanan. Mananu na sanang miyabie keka ing grasya, lunus at kapayapan a ibat king Dios Ibpa at Cristo Jesus a kekatamung Ginu.

2 Timoteo 1:2

Timoteo, pakamalan kung anak: Mananu na sanang manatili keka ing grasya, lunus, at kapayapan a manibat king Dios Ibpa at kang Cristo Jesus a kekatamung Ginu.

Filemon 1:10

Makisabi kung mayap keka para kang Onesimo a ayagkat ku king kasalpantayanan kang Cristo kabang atyu ku keni king sukulan.

1 Juan 2:1

Pakamalan kung anak, susulat ku iti kekayu ban e kayu mikasala. Nung ing ninuman mikasala ya, atin tamung talapamilatan king Ibpa. Ing talapamilatan ya i Jesu-Cristo, ing alang bakas kasalanan.

2 Juan 1:4

Tutu kung matula uling ikit ku la ding mapilan karing kekang anak a mabibie king katutuan, antimo ing inutus na kekatamu ning Ibpa.