3 Juan 1:2 - Ing Mayap a Balita Biblia

² Pakamalan kung Gayo, ipanalangin ku king dasan na ka sana niting sulat ku king mayap a kabilian at king masanting a pamikakatawan antimo ing mayap nang kabilian ning bie mung espiritual.

3 Juan 1:2 Iomraidhean Croise

Mateo 9:12

Dimdam na lang Jesus at nganang mekibat, E la mangailangan doktor ding taung alang sakit; deta mung ating sakit ila ding mangailangan.

Filipos 2:27

Wa, mesakit ya pin at ditak nia mete, oneng salamat na mu melunus ya ing Dios keya ampon kanaku. Pakiabe ku ing kanakung sarili, uling nung melaus yang mete, panamdaman ku sanang e mu nanu.

Filipos 2:4

Mipapanatindi kayu sana at e mu ing sarili nang kapakanan yang isipan nang mumunang dili ning balang metung.

2 Tesalonica 1:3

Kapatad, kailangan ing parati keng pasalamat king Dios king uli yu. Matulid ing daptan mi iti uling manatiling susulung ing kekayung kasalpantayanan king Dios at susulung antimu rin ing lugud yu king metung at metung.

2 Tesalonica 2:13

Sukat kaming parating babie pasalamat king Dios king uli yung kapatad a pakamalan na ning Ginu. Pasalamat kami uling pinili na kayu bilang mumunang dinan nang kaligtasan king kapamilatan na ning Espiritung papagbanal kekayu, at ning pamaniwala yu king katutuan.

Santiago 5:12

Kapatad, maygit king sabla e kayu susumpa neng mangaku kayu; e kayu pasaksi king banua o king yatu o king nanuman. Sabian yu, Wa, nung wa ing buri yung sabian, at Ali, nung ali, ban e na kayu atulan ning Dios.

1 Pedro 4:8

Maygit king sabla, mikakalugud kayung mitmung katapatan uling patawaran na ning lugud ing dakal a kasalanan.

2 Pedro 3:18

Inya e kayu patugut susulung king grasya at beluan kang Jesu-Cristo a Ginu tamu at Talapagligtas. Keya ing kapurian ngeni at king kapilan pa man! Amen.

3 Juan 1:1

Ibat ya iting sulat king Matua. Miparala ya kang Gayo, ing pakamalan kung kakaluguran.

Kapahayagan 2:9

Balu ku ing kapagsubukan a daralanan mu. Balu ku king pakakalulu ka, oneng mabandi ka king tune pibandian. Balu ku ing pamanyirang puri a daraptan da keka ding magpanggap Judio; oneng king kamatutuanan kampun na lang Satanas.