3 Juan 1:11 - Ing Mayap a Balita Biblia

¹¹ Pakamalan kung kakaluguran, e mu pakiapusan ing e mayap a alimbawa; ing mayap ya ing pakiapusan mu. King Dios ya ing ninumang darapat mayap; ing ninumang darapat e mayap e ne pa ikit ing Dios.

3 Juan 1:11 Iomraidhean Croise

Ding Dalit 34:14

Ing e mayap keko nang lakuan, at ing mayap yang kekong daptan; panintunan at pakikuanan ing kapayapan.

Ding Dalit 37:27

Ing e ustu kekang lakuan, at ing mayap yang kekang daptan ban manatili kang atin tuknangan;

Exodo 23:2

E yu pakiapusan ing gagawan da ring dakal potang gagawa lang e ustu o potang papanig la king pisasabian a e makatuliran.

Ding Kasebian 12:11

Ing taung masipag mananaman mupul yang dakal a kabiayan, oneng ing matamad danup ing keyang pupulan.

Juan 10:27

Makiramdam la king siwala ku ding kanakung tupa at akikilala ku la at tutuki la kanaku.

Juan 12:26

Ing ninumang bisang sumuyu kanaku kailangan yang tuki kanaku; nung nu ku karin, karin ya naman ing talasuyu ku. Parangalan neng Ibpa ku ing ninumang susuyu kanaku.

Juan 3:20

Uling kasaman da ring darapat e mayap ing sala at e la lalapit king sala ban e mayakit ing karelang dapat.

1 Corinto 11:1

Makitulad kayu kanaku, antimo ing pamakitulad ku kang Cristo.

1 Corinto 4:16

Inya ipakisabi kung mayap king apusan yu ing alimbawang pepakit ku kekayu.

Efeso 5:1

Anti na ning anak na kayung pakamalan ning Dios, tularan ye.

Filipos 3:17

Kapatad, e kayu sana sasawang makiapus kanaku. Binie mi na ing mayap a alimbawa kekayu. Pagumasdan yu la ding makiapus na kaniti.

1 Tesalonica 1:6

Mekiapus kayu kekami at king Ginu. Tinggap ye ing Mayap a Balita at uli na niti dinalan kayung dakal a kasakitan. Makanyan man, menatili pa mu rin kekayu ing tula a babie na ning Banal a Espiritu.

1 Tesalonica 2:14

Ing malilyari kekayu, kapatad, ya naman ing malilyari karing iglesia na ning Dios karin Judea, karing taung atyu karin a manalig kang Cristo Jesus. Guguluan da kayu ding mismung kabalen yu antimo ing pangagulu da karing kalupa rang Judio

2 Timoteo 3:10

Oneng ika tikian mu la ding turu ku, ing panugali ku, at parasan ku king bie; pakiapusan mu ing kanakung pamanialpantaya, ing kapibabatan, ing lugud, at ing katapatan.

Hebreo 6:12

Inya e kayu magtamad. Tularan yu la ding mapibabata at ding ating kapanaligan king Dios, at tanggapan yu ing pangaku na.

1 Pedro 3:11

Sukat yang gumulut king e mayap at sukat yang dapat mayap; sukat nang panintunan at ingatan ing kapayapan.

1 Pedro 3:13

Ninu mo ing ligalig kekayu, nung ing kapagnasan yu ya ing dapat mayap?

1 Juan 2:29

Nung balu yu king i Cristo banal ya, sukat yu namang abalu king ing balang darapat kabanalan anak ne ning Dios.

1 Juan 3:10

Kaniti makilala nung ninu ding tune anak na ning Dios at nung ninu ding tune nang anak ning diablo: ing ninumang e darapat matulid at e lulugud king kapatad na e ne anak ning Dios.

1 Juan 4:1

Pakamalan kung kakaluguran, e yu la ngan paniwalan ding sasabing atyu karela ing Espiritu. Nune subukan yu la pa mu ban abalu yu nung ibat ya king Dios ing espiritung atyu karela. Uling dakal la ding lunto propetang e tutu king yatu.