2 Juan 1:6 - Ing Mayap a Balita Biblia

⁶ At iti ya ing kabaldugan na ning lugud a sasabian ku: mibiebie tamu karing kautusan na ning Dios. Ing kautusan a miyabie keta pang minuna ya pin iti: mibiebie tamu king lugud.

2 Juan 1:6 Iomraidhean Croise

Juan 14:15

Nung kaluguran yu ku, pamintuan yu la ding utus ku.

Juan 14:21

Ing tatanggap karing utus ku at tutupad kareti ya ing malugud kanaku. At luguran neng Ibpa ku itang malugud kanaku. Luguran ke at ipakilala ku keya ing kanakung sarili.

Juan 14:23

Pekibat nang Jesus, Pamintuan na la ning lulugud kanaku ding amanu ku; luguran neng Ibpa ku at i Ibpa ku at aku manuknangan ke keya.

Juan 15:10

Nung tuparan yu la ding utus ku, manatili kayu king lugud ku, antimo nung makananu kung tutupad karing utus nang Ibpa ku at manatili ku king lugud na.

Juan 15:14

Kakaluguran da kayu, nung tuparan yu la ding utus ku.

Deuteronomio 13:4

Ing sukat yung tukian ya ing Ginung kekayung Dios; pitakutan ye at galangan; pamintuan yu la ding utus na; ing siwala na ya ing pakiramdaman yu; suyuan ye at e ye kakawanian.

1 Juan 2:24

Ingatan yu king pusu yu ing kekayung dimdam manibat na king minuna. Nung manatili king pusu yu ing kekayung dimdam manibat king minuna, manatili kayung mabibie kayabe na ning Anak at ning Ibpa.

1 Juan 2:5

Oneng ing tutupad karing amanu na ning Dios, ganap na ing lugud na king Dios. Makanyan tamung abalu king ya atyu kekatamu:

1 Juan 2:7

Pakamalan kung kakaluguran, e ya bayung kautusan ing susulat ku kekayu, nune ing sadiang kautusan a atyu kekayu manibat na king minuna. Iti ya ing dimdam yu nang mipanaral.

1 Juan 5:15

Anti na ning balu tamung pakiramdaman na katamu, balu tamu munaman king ibie na ing nanumang aduan tamu.

1 Juan 5:3

Uling ing pamaglugud king Dios mangabaldugan pamanupad karing kautusan na. At e na la man masakit tuparan ding kautusan na,

2 Juan 1:5

At ngeni, kalugud-lugud a Ima, atin kung aduan keka: mikakalugud tamu itamung sabla. E ya bayung kautusan ing susulat ku keka, nune ya naman ing sadiang kautusan a ibat pa king kapupurmeruan atyu na kekatamu.