2 Juan 1:4 - Ing Mayap a Balita Biblia

⁴ Tutu kung matula uling ikit ku la ding mapilan karing kekang anak a mabibie king katutuan, antimo ing inutus na kekatamu ning Ibpa.

2 Juan 1:4 Iomraidhean Croise

Hosea 14:9

Sana aintindian da ring biasa ing misulat keting libru, at isikap da karing pusu ra. Matulid la ding paralan na ning Ginu at ding matulid a tau tutukian da la king pamibiebie ra, oneng mitakid la at misakab kareti ding makasalanan.

Malakias 2:6

Tiru da ing matulid, aliwa ing e matulid. Mibiebie la agpang king kaburian ku; e mu ing depatan da ing matulid, nune seupan da la pa ding dakal ban tuknang lang darapat e mayap.

1 Corinto 13:6

e ya tutula king e mayap a dapat, nune tutula ya king katutuan.

Galacia 2:14

Inyang ikit ku king ing dalan a tutuntunan da makalisia ya king katutuan a tuturu na ning Mayap a Balita sinabi ku kang Pedro king arap da, Ika metung kang Judio, oneng ing panugali mu e panugaling Judio, nune panugaling paganu. Inya nanu ing matulid mu para pilitan mu lang manugaling anting Judio ding paganu?

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.

Efeso 5:8

King panaun a milabas atyu kayu king karalumduman, oneng ngeni atyu kayu king sala uling atyu kayu king Ginu. Mibiebie kayu antimo ing karapatdapat dang daptan ding taung atyu king sala.

Filipos 4:10

Karagul na ning tulang tatanggapan ku king Ginu, uling kaybat nang milabas ning makabang panaun, misan pa mika panaun kayung ipakit yu ing malasakit yu para kanaku. E ku buring sabian king tinuknang na kayung magmalasakit kanaku, e kayu mu pin mirinan panaun.

1 Juan 2:6

Ing sasabing manatili ya king Dios sukat yang mibiebie kalupa na ning bie nang Jesu-Cristo.