2 Juan 1:3 - Ing Mayap a Balita Biblia

³ Ibie na sa kekatamu ning Dios Ibpa at i Jesu-Cristo a Anak na, ing grasya, lunus at kapayapan king kapamilatan na ning katutuan at lugud.

2 Juan 1:3 Iomraidhean Croise

Zacarias 8:19

Ding pamag-ayunu a mararapat balang kapat, kalima, kapitu, at kapulung bulan maging selebrasyun lang mitmung tula at kaligayan para karing memalen na ning Juda. Kailangan ing luguran yu ing katutuan at ing kapayapan.

Roma 1:7

Kekayu ngan sablang atyu Roma, kekayung pakamalan na ning Dios at inaus nang maging sarili nang balen: Ibie na sa kekayu ning Dios a Ibpa tamu at ning Ginung Jesu-Cristo ing grasya at kapayapan.

Galacia 5:6

Uling potang makayabe tamu kang Cristo Jesus, mesirkunsisyun ka man o ali, parehu mu; ing maulaga ya ing kasalpantayanan a darapat king kapamilatan na ning lugud.

1 Timoteo 1:14

At binie na kanaku ning Ginu ing maglapo nang lunus; binie na kanaku ing kasalpantayanan, at ing lugud a atyu kekatamu uli na ning pangayabe tamu kang Cristo Jesus.

1 Timoteo 1:2

Miparala ya kang Timoteo, ing tune kung anak king kasalpantayanan. Mananu na sanang miyabie keka ing grasya, lunus at kapayapan a ibat king Dios Ibpa at Cristo Jesus a kekatamung Ginu.

2 Timoteo 1:13

Gawan mu lang pialimbawanan ding mayap a amanung tiru ku keka. Manatili ka king kasalpantayanan at lugud a atyu kekatamu king uli na ning pangayabe tamu kang Cristo Jesus.

1 Juan 4:10

Iti ya ing lugud: e uling kaluguran ta ya ing Dios, nune itamu ding liguran na at tinubud ne ing Anak na ban atbusan na ing kasalanan tamu.

2 Juan 1:1

Ibat ya iting sulat king Matua. Miparala ya king kalugud-lugud a Ima at karing anak na a tune kung pakamalan. Aliwa mu aku ing malugud kekayu, nune pati na ding sablang makakilala king katutuan,