1 Juan 5:9 - Ing Mayap a Balita Biblia

⁹ Tatanggapan tamu ing patutu da ring tau, oneng lalung matibe ing patutu na ning Dios at iti ya ing patutu na ning Dios tungkul king Anak na.

1 Juan 5:9 Iomraidhean Croise

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Juan 10:38

Nung daraptan ku la, agyang e kayu maniwala kanaku, karing mu mang dapat ku sukat kayung maniwala ban abalu yu at aintindian king ing Ibpa atyu kanaku at aku atyu ku keya.

Juan 5:39

Sasaliksikan yu la ding Kasulatan uling isipan yu king kareti yu atuklasan ing bie alang angga. Oneng deti ila kabud ding patutu tungkul kanaku;

Ding Dapat 17:31

Uling tinuldu yang aldo nung nu ne ukuman king ganap a katuliran ing mabilug a yatu king kapamilatan na ning pinili na. Minie yang katunayan tungkul kaniti para karing sabla king kapamilatan na ning pamipasubli nang mie king taung ita!

Ding Dapat 5:32

Testigu kami tungkul kareting bage at anti mu rin ing Banal a Espiritu, ing regalung babie na ning Dios karing mapamintu keya.

Hebreo 2:4

Pepatutuan na naman ning Dios iti king kapamilatan da ring mangayupayang tanda, milagru at miyayaliwang pagmumulalan, at king kapamilatan da ring regalu na ning Banal a Espiritu a binie na karing dakal a tau agpang king kaburian na.

Hebreo 6:18

Inya e ya magbayu at maglaram ing Dios tungkul kareting aduang bage: ing pangaku na at sumpa. Itamung menakit kaligtasan king Dios, sukat tamung mirinan tetagan a lub king pamanaya karing pengaku na.

1 Juan 5:10

Ing ninumang maniwala king Anak ning Dios maniwala ya king patutung iti. Oneng ing e bisang maniwala king Dios, gagawan neng malaram ing Dios, uling e ya maniwala king patutu na tungkul king Anak na.

1 Juan 5:8

ing Espiritu, ing danum at ing daya, at ing patutu da reting atlu mikakametung mu.