1 Juan 5:7 - Ing Mayap a Balita Biblia

⁷ Atlu la ding patutu:

1 Juan 5:7 Iomraidhean Croise

Ding Dalit 33:6

King amanu na banua melalang ya, aldo, bulan, batuin, at aliwa pa.

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Mateo 18:16

Nung e na ka pakiramdaman, mituki kang metung o aduang tau ban ing nanumang pisasabian yu malyaring mipatutuan king amanu da ring adua o atlung tau antimo ing sasabian na ning kasulatan.

Mateo 28:19

Inya munta kayu at gawan yu lang alagad ku ding sablang bansa. Binyagan yu la king lagyu ning Ibpa at ning Anak at ning Banal a Espiritu

Juan 1:1

Atyu ne ing Amanu bayu ya melalang ing yatu. Kayabe ne ning Dios ing Amanu at nung nanu ya ing Dios makanyan ya naman ing Amanu.

Juan 10:30

Aku at ing Ibpa metung kami mu.

Juan 12:28

Ibpa, parangalan me ing lagyu mu. Kanita ing metung a siwalang ibat banua sinabi na, Peparangalan ku ne at parangalan ke pang pasibayu.

Juan 14:17

Ya ing Espiritu na ning katutuan a e na atanggap ning yatu uling e ne akakit at e ne balu. Oneng balu ye uling akayabe ye at manuknangan ya kekayu.

Juan 15:26

Oneng datang ya ing Talasaup, ing Espiritu na ning katutuan a manibat king Ibpa. Itubud ke kekayu ibat king Ibpa at ya ing munie patutu tungkul kanaku.

Juan 5:26

Atin yang upayang munie bie ing Ibpa at dininan neng upayang munie bie ing Anak.

Juan 8:18

Patutu ku tungkul king sarili ku at ing Ibpang mitubud kanaku patutu ya naman tungkul kanaku.

Juan 8:54

Pekibat nang Jesus, Nung parangalan ku ing sarili ku iti alang kabaldugan. Ing Ibpa ku ya ing parangal kanaku. Ya ing amanuan yung Dios yu.

Ding Dapat 2:33

Mitas ya king banda nang wanan ning Dios at tinggap ne keya ing Banal a Espiritu, antimo ing pengaku na ning Ibpa na at ing akakit yu at daramdaman ngeni ya itang kalam a tigtug nang labis-labis kekami.

Ding Dapat 5:32

Testigu kami tungkul kareting bage at anti mu rin ing Banal a Espiritu, ing regalung babie na ning Dios karing mapamintu keya.

Deuteronomio 6:4

Makiramdam kayu, O memalen ning Israel. Ing Ginung kekatamung Dios ya ing bukud Ginu.

1 Juan 1:1

Susulat kami kekayu tungkul king Amanu na ning bie a atyu na manibat na king kapupurmeruan. Ikit mi ya at dimdam. Wa, ikit mi ya karing mata mi at atagkilan karing gamat mi.

1 Juan 5:6

I Jesu-Cristo ya ing dinatang keti king yatu; dinatang yang kayabe na ning danum ning pangabinyag na at ning daya a bilus na king kamatayan na. At e mu kayabe ning danum nune kayabe ning danum at ning daya. Patutuan na iti ning Espiritu uling ing Espiritu katutuan ya.

1 Juan 5:8

ing Espiritu, ing danum at ing daya, at ing patutu da reting atlu mikakametung mu.

Kapahayagan 19:13

Mitmu yang daya ing imalan na. Ing lagyung yayaus da: Ing Amanu na ning Dios.