1 Juan 5:10 - Ing Mayap a Balita Biblia

¹⁰ Ing ninumang maniwala king Anak ning Dios maniwala ya king patutung iti. Oneng ing e bisang maniwala king Dios, gagawan neng malaram ing Dios, uling e ya maniwala king patutu na tungkul king Anak na.

1 Juan 5:10 Iomraidhean Croise

Job 24:25

Atin ninuman ing makapayale? Atin makatanggi karing kakung sinabe?

Ding Dalit 25:14

Kakaluguran na la ning Ginu ding mamintu karing utus na, at karela pabalu nang kasunduan na.

Ding Kasebian 3:32

Uling masusumami ya ing Ginu king taung e mayap, oneng tutula ya king taung matulid a dapat.

Isaias 53:1

Ngara ding tau, Ninu ing malyaring maniwala kekami king ipamalita mi ngeni? Ninu ing malyaring makaintindi king iti dapat ning Ginu?

Jeremias 15:18

Baket manatili kung magkakasakit? Baket e la mau-ulu ding sugat ku? Baket e la kakayap? Buri mu wari ing mabigu ku kalupa ning batis a lalangi neng kaleldo?

Ding Bilang 23:19

E ne kalupa ning tau ing Dios, uling ing tau maglaram ya at pabayubayu kaisipan. Itang sasabian ning Dios daraptan na, at ing pengaku na tutuparan na.

Juan 3:16

Uli na ning maragul nang lugud ning Dios king yatu binie ne ing bugtung nang Anak ban ing ninumang maniwala keya e ya mate nune mirinan yang bie alang angga.

Juan 3:18

E ya miyatulan kaparusan ing ninumang maniwala keya; oneng miyatulan ne ing e maniwala keya, uling e ya meniwala king bugtung nang Anak ning Dios.

Juan 3:33

Ing tatanggap king pamipatutu na patunayan na king tapat ya ing Dios.

Juan 5:38

Ala lang lugal king pusu yu ding amanu na uling e kayu bisang maniwala king tinubud na.

Ding Dapat 8:37

Nganang Felipe, Malyari na kang mabinyag, nung maniwala kang kayabe na ning mabilug mung pusu. Nganang mekibat ning opisyal, Maniwala ku. Paniwalan ku king i Jesu-Cristo ya ing Anak ning Dios.]

Roma 8:16

patutuan na ning Espiritu ning Dios king kekatamung espiritu king itamu anak na katamu ning Dios.

Galacia 4:1

Isundu ku ing buri kung sabian: kabang anak ya pa ing talapagmana ala yang pangayaliwa king metung a ipus agyamang ya ing makibandi king sabla.

Galacia 4:6

Anting katunayan king ikayu pin anak na kayu, tinubud ne ning Dios ing Espiritu na ning Anak na karing pusu tamu, ing Espiritung mamaus masikan, Tatang, kanakung Tatang.

Colosas 3:3

Uling mete na kayu at ing bie a ngeni atyu kekayu makapampan ya king Dios kang Cristo.

Hebreo 3:12

Kapatad, mingat kayu sana ban kanita alang mipapakarok kekayu, at e milako kasalpantayanan ban e ye lakuan ing Dios a mabie.

2 Pedro 1:19

Inya lalu keng makasiguru keng sasabian da ring propeta. E yu sisian nung makiramdam kayung masalese kaniti uling mengaring metung a sulung saslag kekayu king karalumduman, angga king maspak ya king alaya ing Aldo ning Ginu, at sunlag ya karing pusu yu ing batuin na ning abak.

1 Juan 1:10

Nung sasabian tamung e tamu mikasala, gagawan ta yang malaram ing Dios at ala yu kekatamu ing amanu na.

1 Juan 5:1

Anak ne ning Dios ing ninumang maniwala king i Jesus ya ing Cristo, at ing ninumang lulugud king tata lulugud ya naman king anak na.

Kapahayagan 12:17

King mua na ning dragon king babai, belikan na la ding mitagan a lahi na ning babai ban ilang pakilabanan na. Ila deti ring sablang mamintu king utus na ning Dios at manatiling tapat king katutuan a sinabi nang Jesus.

Kapahayagan 2:17

Nung atin kang balugbug, makiramdam ka king sasabian na ning Espiritu karing iglesia! Karing magtagumpe, ibie ku ing makasalikut a manna a manibat banua. Ibie kia munaman king balang katau ing maputing batu nung nu ya makasulat ing metung a bayung lagyu a alang makibalu nune mu itang tanggap kaniti.

Kapahayagan 2:28

Ibie kia naman karela ing batuin na ning abak.