1 Juan 4:8 - Ing Mayap a Balita Biblia

⁸ Ing e lulugud e ne kakilala ing Dios uling ing Dios lugud ya.

1 Juan 4:8 Iomraidhean Croise

Ding Dalit 86:15

Oneng ika, O Ginu, Dios kang mapaglunus; mapibabata ka at parati kang malugud at tapat.

Ding Dalit 86:5

Uling maganaka ka at mapamatawad, O Ginu, karing sablang mamaus keka mitmu kang lugud.

2 Corinto 13:11

Angga na keni, kapatad ku, ing pamaniulat ku at mamun na ku. Pagkapilitan yu sanang maging ganap; tukian yu ing payu ku; misasanmetung kayu at mangabiayan payapa. Ing Dios na ning lugud at kapayapan mantabe ya kekayu.

Efeso 2:4

Oneng tutu ping dakal ing lunus ning Dios at maragul ing lugud na kekatamu,

Hebreo 12:29

uling ing kekatamung Dios anti ya king aping manyilab.

1 Juan 1:5

Iti ya ing balita a dimdam mi king Anak na at babalita mi ngeni kekayu: ing Dios sala ya at alang nanumang dalumdum keya.

1 Juan 2:4

Ing sasabing Balu ke, oneng e na la pamintuan ding utus na, iti malaram ya at ala yu keya ing katutuan.

1 Juan 2:9

Ing sasabing atyu king sala, oneng kasaman ne ing kapatad na, iti atyu king karalumduman.

1 Juan 3:10

Kaniti makilala nung ninu ding tune anak na ning Dios at nung ninu ding tune nang anak ning diablo: ing ninumang e darapat matulid at e lulugud king kapatad na e ne anak ning Dios.

1 Juan 3:6

E ya mikakasala ing ninumang manatili kang Cristo, oneng ing ninumang mikakasala e ne ikit o e ne balu i Cristo.

1 Juan 4:16

Balu tamu at paniwalan ing lugud na ning Dios kekatamu. Ing Dios lugud ya. Ing manatili king lugud, manatili ya king Dios at manatili ne man keya ing Dios.

1 Juan 4:7

Pakamalan kung kakaluguran, mikakalugud tamu uling manibat king Dios ing lugud. Ing ninumang lulugud anak ne ning Dios at kikilala ya king Dios.