1 Juan 4:6 - Ing Mayap a Balita Biblia

⁶ Oneng itamu king Dios tamu. Ing ninumang kikilala king Dios makiramdam ya kekatamu; oneng ing ninumang e king Dios, e ya makiramdam kekatamu. Makanyan tamung akilala ing pamiyaliwa na ning Espiritu ning katutuan ila ning espiritu na ning kamalian.

1 Juan 4:6 Iomraidhean Croise

2 Cronica 18:21

Pekibat ning espiritu, Aku ing munta at papagsalitan ku lang kalaraman ding propeta nang Ahab ban magsalita lang kalaraman. Inya ngana ning Ginu, Sulung, ika ing munta at magtagumpe ka.

Isaias 29:10

Gewa na kayung mitutundu ning Ginu at makasadiang matudtud malalam. Ding peka mata na ning balen ila ding propeta, oneng tikpan na la mata ning Dios.

Isaias 8:20

Ipakibat yu naman karela, Makiramdam kayu king nanumang tuturu na kekayu ning Ginu! E kayu makiramdam karing makipagsalita karing espiritu da ring mete. Ala kayung akua king nanumang sabian da kekayu.

Hosea 4:12

Maniawad lang payu king metung a kapirasung dutung. Sasabian na naman karela ning kapirasung dutung ing buri dang abalu! Gilutan da ku. Mengari la king babaing magtinda king katawan na; binie ra ing sarili da karing kikilalanan dang dios.

Mikeas 2:11

Ing propetang buri da ring taung deti ya ing propetang lakad-lakad mangalat kalaraman at kapamiraitnan at sasabing, Ing alak at matapang a inuman magus para kekayu.

Mikeas 3:8

Oneng tungkul naman kanaku, kakatmuan na ku ning Ginu king espiritu at king upaya na, ning katuliran at tetagan a lub ban sabian ku la karing memalen na ning Israel ding karelang kasalanan.

Lucas 10:22

Binie nang Ibpa ku kanaku ing sablang bage. Ala metung mang makibalu nung ninu ing Anak subali mu ing Ibpa, at ala metung mang makibalu king Ibpa subali mu ing Anak at detang buri nang pabaluan ning Anak.

Juan 10:16

Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.

Juan 10:27

Makiramdam la king siwala ku ding kanakung tupa at akikilala ku la at tutuki la kanaku.

Juan 10:3

Ya ing bubuklatanan na ning bante pasbul. Pakiramdaman da ring tupa ing siwala na kabang ausan na la king lagyu ra at panimunan na la king paglual da.

Juan 13:20

Ing katutuan sasabian ku kekayu: ing tatanggap king ninumang tinubud ku, akung tatanggapan na at ing tatanggap kanaku tatanggapan ne itang mitubud kanaku.

Juan 14:17

Ya ing Espiritu na ning katutuan a e na atanggap ning yatu uling e ne akakit at e ne balu. Oneng balu ye uling akayabe ye at manuknangan ya kekayu.

Juan 15:26

Oneng datang ya ing Talasaup, ing Espiritu na ning katutuan a manibat king Ibpa. Itubud ke kekayu ibat king Ibpa at ya ing munie patutu tungkul kanaku.

Juan 16:13

Saupan na kayu paniatang na ning Espiritu ning katutuan ban aintindian yu ing sablang katutuan. Uling e ya magsalita king sarili na, nune magsalita ya kekayu king dimdam na at sabian na la ding bage datang.

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Juan 20:21

Pasibayu nang sinabing Jesus karela, Kapayapan keko ngan. Nung makananu na kung tinubud ning Ibpa, makanyan da kayu namang tutubud.

Juan 8:19

Inya kitang da, Nu ya karin ing Ibpa mu? Mekibat ya i Jesus, E yu ku balu ni e ye balu i Ibpa ku. Nung balu yu ku, balu ya naman ing Ibpa ku.

Juan 8:23

Mekibat ya i Jesus, Ibat kayu keti sulip; aku ibat ku babo. Ibat kayu king yatung iti; aku ali ku.

Roma 1:1

Ibat ya iting sulat kang Pablo, ing talasuyu nang Cristo Jesus at meyaus maging apostol at mepili ban manaral king Mayap a Balita ning Dios.

Roma 11:8

Antimo ing sasabian na ning kasulatan, Pepasias na la pusu ning Dios at pepaburen na lang mepurul a kaisipan; angga man king aldong iti e la manakit ding mata ra, at e la makaramdam ding balugbug da.

1 Corinto 14:37

Nung ing ninuman isipan nang tubud ne ning Dios o tinanggap yang regalung espiritual, kailangan nang paki-intindian king ing susulat ku kekayu utus a ibat king Ginu.

2 Corinto 10:7

Ding bage makalual ila mu ding lalawan yu. Nung tiwala ya ing ninuman king ya para kang Cristo ya, ganakan na king ikami man para kang Cristo kami.

2 Tesalonica 1:8

Datang ya libutad ning milalablab a api at parusan na la ding sablang e kikilala king Dios at e tinupad king Mayap a Balita tungkul king Ginu tamung Jesus.

1 Timoteo 4:1

Malino nang sasabian ning Espiritu king paniatang na ning tauling panaun lakuan da ring mapilan ing kasalpantayanan. Tukian da la ring mapaglinlang a espiritu at ing tuturu da ring demonyu.

2 Pedro 3:2

Buri ku king e yu kakalinguan ing sinabi da ring banal a propeta kanitang minuna, at ing kautusan a binie na ning Ginu at Talapagligtas king kapamilatan da ring apostol a tinubud na kekayu.

1 Juan 4:1

Pakamalan kung kakaluguran, e yu la ngan paniwalan ding sasabing atyu karela ing Espiritu. Nune subukan yu la pa mu ban abalu yu nung ibat ya king Dios ing espiritung atyu karela. Uling dakal la ding lunto propetang e tutu king yatu.

1 Juan 4:4

Anak, king Dios kayu at asaul yu na la ding propetang e tutu, uling ing Espiritung atyu kekayu mayupaya ya kesa king espiritung atyu karing mayatu.

1 Juan 4:8

Ing e lulugud e ne kakilala ing Dios uling ing Dios lugud ya.

1 Juan 5:19

Balu tamu king anak na katamu ning Dios, at ing mabilug a yatu atyu king upaya na ning Marawak.

Judas 1:17

Oneng ikayu, kakaluguran ku, tandanan yu ing amanung sinabi ra kekayu ding apostol na ning Ginu tamung Jesu-Cristo king milabas a panaun.