1 Juan 4:5 - Ing Mayap a Balita Biblia

⁵ Ila king yatu la, inya maniabi la tungkul king yatu at pakiramdaman na la ning yatu.

1 Juan 4:5 Iomraidhean Croise

Ding Dalit 17:4

Ding taung mapanagkas e ku la pakiapusan, uling tapat ku lang pamintuan ding amanung king labi mu manibatan.

Jeremias 29:8

Aku, ing Ginu, ing Dios ning Israel, e yu paintulut ing linlangan da kayu ding propeta a manuknangan kayabe yu o mapirait king ninumang sasabing aula na ing bage mapalyari king daratang a panaun. E yu la dirinan pansin ding paninap a sasalita ra kekayu.

Jeremias 5:31

pawang kalaraman ing sasabian da ring propeta, ding pari ila ding mag-ari at tutuki king buri da reting propeta, at ala yang bitasang tutul ing balen ku. Oneng nanu kaya ing daptan da potang miwakasan na iting sabla-sabla?

Mikeas 2:11

Ing propetang buri da ring taung deti ya ing propetang lakad-lakad mangalat kalaraman at kapamiraitnan at sasabing, Ing alak at matapang a inuman magus para kekayu.

Lucas 16:8

Pinuri ne ning panginuan ing mapamirait a katiwala uli na ning pepakit nang katosuan. Uling maygit lang biasang mamahala ding taung maka-yatu kesa karing taung maka-Dios.

Juan 17:14

Binie ku karela ing amanu mu at pikasaman na la ning yatu uling e la para king yatu antimo aku e ku para king yatu.

Juan 17:16

Nung makananung aku e ku para king yatu, makanyan la namang e para king yatu.

Juan 3:31

Itang daratang ibat babo maygit ya karing sabla. Itang manibat king yatu, king yatu ya at magsalita ya tungkul karing bage keti king yatu. Itang daratang ibat banua maygit ya karing sabla.

Juan 8:23

Mekibat ya i Jesus, Ibat kayu keti sulip; aku ibat ku babo. Ibat kayu king yatung iti; aku ali ku.

2 Timoteo 4:3

Uling datang ing panaun a e ra pakiramdaman ding tau ing mayap a turu; nune, tukian da ing e mayap dang kaburian at mangalap lang talaturu da a magsalita mu karing bage a buri dang daramdaman.

Kapahayagan 12:9

Inugse re ing maragul a dragon, ing matuang ubingan a maki lagyung diablo o Satanas, ing maglinlang king mabilug a yatu. Inugse re king yatu at pati na ding kampun na.