1 Juan 4:21 - Ing Mayap a Balita Biblia

²¹ Iti ya ing kautusan a binie na kekatamung Cristo: ing taung lulugud king Dios sukat nia namang luguran ing kapatad na.

1 Juan 4:21 Iomraidhean Croise

Levitico 19:18

E kayu mamablas kaninu man ni tatanam samang lub. Luguran ye ing kalupa yung tau antimo ing pamaglugud yu king sarili yu. Aku ing Ginu.

Mateo 5:43

Dimdam yu naman king kanitang minuna mituru karing tau: Luguran me ing kakaluguran mu at pikasaman me ing kalaban mu.

Lucas 10:37

Pekibat na ning talaturu ning Kautusan, Itang pepakit lunus keya. Nganang Jesus, Nung makanyan, sige, anti munaman kaniti ing daptan mu.

Juan 15:12

Iti ya ing utus ku: mikakalugud kayu anti ing pamaglugud ku kekayu.

Galacia 5:14

Uling ing kabilugan a Kautusan mumuli ya king metung mung kautusan: Luguran ye ing kalupa yung tau antimo ing sarili yu.

Galacia 5:6

Uling potang makayabe tamu kang Cristo Jesus, mesirkunsisyun ka man o ali, parehu mu; ing maulaga ya ing kasalpantayanan a darapat king kapamilatan na ning lugud.

1 Tesalonica 4:9

E na kailangan ing sulatanan na kayu pa ning ninuman tungkul king pamaglugud karing kapatad king kasalpantayanan, uling tiru na na ning Dios kekayu nung makananu kayung mikakalugud.

1 Pedro 3:8

Katataulian, sukat kayung mikakasundu at midadamayan. Mikakalugud kayu antimo ding mikakapatad at maging maganaka ampon magpakumbaba king metung at metung.

1 Pedro 4:8

Maygit king sabla, mikakalugud kayung mitmung katapatan uling patawaran na ning lugud ing dakal a kasalanan.

1 Juan 2:7

Pakamalan kung kakaluguran, e ya bayung kautusan ing susulat ku kekayu, nune ing sadiang kautusan a atyu kekayu manibat na king minuna. Iti ya ing dimdam yu nang mipanaral.

1 Juan 3:11

Iti ya ing aral a dimdam yu manibat na kanitang minuna: sukat tamung mikakalugud.

1 Juan 3:14

Balu tamu king ibat king kamatayan linipat ta na king bie uling luluguran ta la ding kekatamung kapatad. Ing e lulugud manatili ya pa king kamatayan.

1 Juan 3:18

Anak ku, e tamu sana lulugud king kapamilatan na mu ning amanu o salita. Ipakit tamu ing lugud king kapamilatan na ning dapat.

1 Juan 3:23

Iti ya ing kautusan na: maniwala tamu king lagyu na ning Anak nang i Jesu-Cristo at mikakalugud tamu antimo ing inutus nang Cristo.

1 Juan 4:11

Pakamalan kung kakaluguran, anti na ning maragul ing lugud ning Dios kekatamu, sukat tamu munamang mikakalugud.