1 Juan 4:18 - Ing Mayap a Balita Biblia

¹⁸ Ala yang kayabe takut ing lugud, uling tatabi na ning ganap a lugud ing takut. E pa ganap ing lugud na ning ninumang ating takut, uling ing takut kakambal ne ning kaparusan.

1 Juan 4:18 Iomraidhean Croise

Job 15:21

Makatakut a kulisakan ing daramdaman na. Busal ning kanawan na bigla neng datangan ning mapamuksa.

Ding Dalit 119:120

Uli mu mitatakutan ku; kaku lang pitatakutan ding kayatulan mu.

Ding Dalit 73:19

Kabud-abud na miras ing kasiran karela; makapangilabut ing kawakasan da.

Mateo 9:34

Oneng ngara ding Pariseo, Ing pamuntuk da ring demonyu ya ing babie upaya kang Jesus inya apapalualan na la ding demonyu.

Roma 8:15

Uling ing Espiritu a binie na ning Dios kekayu e na kayu papalyarian ipus ba kayung pasibayung mangatmung takut; nune papalyarian na kayung maging anak na ning Dios. Potang ausan ta ya ing Dios: Tatang, Tatang ko!

2 Timoteo 1:7

Uling ing Espiritung binie na ning Dios kekatamu e na katamu papainan a lub nune ing Espiritu na kakatmuan na katamung upaya, lugud at pamangawat king sarili.

Hebreo 12:28

Inya pasalamat tamu king Dios uling tinanggap tamung metung a kayarian a e maugun. Pasalamatan ta ya at samban ing Dios a kayabe ing kagalangan at takut; king paralan a tutung makaibie tula keya

Santiago 2:19

Maniwala ka king ating metung mung Dios? Masanting! Ding demonyu man maniwala la at gagalgal la pa king takut.

1 Juan 4:12

Ala pang bitasang menakit king Dios; nung mikakalugud tamu, atyu kekatamu ing Dios at ing lugud na maging ganap kekatamu.