1 Juan 4:11 - Ing Mayap a Balita Biblia

¹¹ Pakamalan kung kakaluguran, anti na ning maragul ing lugud ning Dios kekatamu, sukat tamu munamang mikakalugud.

1 Juan 4:11 Iomraidhean Croise

Lucas 10:37

Pekibat na ning talaturu ning Kautusan, Itang pepakit lunus keya. Nganang Jesus, Nung makanyan, sige, anti munaman kaniti ing daptan mu.

Juan 13:34

Babie ke kekayu ing metung a bayung kautusan: mikakalugud kayu. Nung makananu da kayung liguran, makanyan kayu namang mikakalugud.

Efeso 4:31

Ilako yu na ing nanumang mapait king lub yu, mua, at kasbu; tuknang na kayung mamulyo, maninsultu at magsalitang e mayap.

Colosas 3:13

Mipapanupaya kayu at mipapamatawad kapilan mang atin yang paginakit ing ninuman king aliwa. Pepatawaran na kayu ning Ginu, inya ikayu man sana mipapamatawad kayu.

1 Juan 2:7

Pakamalan kung kakaluguran, e ya bayung kautusan ing susulat ku kekayu, nune ing sadiang kautusan a atyu kekayu manibat na king minuna. Iti ya ing dimdam yu nang mipanaral.

1 Juan 3:11

Iti ya ing aral a dimdam yu manibat na kanitang minuna: sukat tamung mikakalugud.

1 Juan 3:23

Iti ya ing kautusan na: maniwala tamu king lagyu na ning Anak nang i Jesu-Cristo at mikakalugud tamu antimo ing inutus nang Cristo.

1 Juan 4:7

Pakamalan kung kakaluguran, mikakalugud tamu uling manibat king Dios ing lugud. Ing ninumang lulugud anak ne ning Dios at kikilala ya king Dios.

2 Juan 1:5

At ngeni, kalugud-lugud a Ima, atin kung aduan keka: mikakalugud tamu itamung sabla. E ya bayung kautusan ing susulat ku keka, nune ya naman ing sadiang kautusan a ibat pa king kapupurmeruan atyu na kekatamu.