1 Juan 4:1 - Ing Mayap a Balita Biblia

¹ Pakamalan kung kakaluguran, e yu la ngan paniwalan ding sasabing atyu karela ing Espiritu. Nune subukan yu la pa mu ban abalu yu nung ibat ya king Dios ing espiritung atyu karela. Uling dakal la ding lunto propetang e tutu king yatu.

1 Juan 4:1 Iomraidhean Croise

1 Ari 13:18

Kanita ngana ning matuang propeta, Propeta ku munamang kalupa mu. Inutus na kanaku ning Dios king kapamilatan na ning anghel a tinubud na king ituki ra ka king bale ku ban makapangan ka at makainum. Oneng e tutu iting sinabi na.

Ding Kasebian 14:15

Paniwalan na ning mangmang ing nanuman, oneng lalawan na ning biasa ing keyang daralanan.

Jeremias 14:14

Oneng ngana ning Ginu, King lagyu ku magsalita lang kalaraman deting propeta; e ku la tinubud ni dininan nanumang kautusan a magsalita agyang metung mu mang amanu. E la ibat kanaku ding vision a amanuan da, ding karelang pamamanula; bage lang alang ulaga a bunga namu ning karelang kaisipan.

Jeremias 23:16

Ngana ning Ginung Mayupaya karing memalen na ning Jerusalem, E yu la pakiramdaman ding propeta king karelang pamaniabian; e tutu ing sasalita da kekayu. Sasabian da kekayu itang bunga na ning sariling kaisipan da at aliwa ing kanakung sinabi karela.

Jeremias 5:31

pawang kalaraman ing sasabian da ring propeta, ding pari ila ding mag-ari at tutuki king buri da reting propeta, at ala yang bitasang tutul ing balen ku. Oneng nanu kaya ing daptan da potang miwakasan na iting sabla-sabla?

Marcos 13:21

Nung sabian na kekayu ning ninuman, Atyu keni ing Cristo! o kaya, Atyu karin! e kayu maniwala.

Lucas 12:57

Baket e yu atulan dili yu ing matulid a kailangan daptan?

Lucas 21:8

Pekibat na, Mingat kayu ban e na kayu alinlang ning ninuman. Uling dakal la ding datang king lagyu ku a sumabing, Aku ing Cristo! at Ing panaun dinatang na! E kayu tutuki karela.

Ding Dapat 17:11

Mas mayap la pilubluban ding tau karin kesa karing tau Tesalonica. Matingid lang mekiramdam king penaral nang Pablo. Pagaralan da la aldo-aldo ding Kasulatan ba rang akit nung tutu pin ing sinabi nang Pablo.

Ding Dapat 20:29

Balu ku king kalako ku, datang la kekayu ding mabangis a asung-gubat, at e re patawaran ditak mu man ing kawan.

1 Corinto 12:10

Binie na king metung a tau ing upayang dapat milagru; king aliwa, ing magsalita king amanu na ning Dios at king aliwa pa, ing kagiwan makakilala ing pamiyayaliwa da ring regalung ibat king Espiritu at detang e ibat king Espiritu. King aliwa, binie na ning Espiritu ing upayang magsalitang miyayaliwang amanu; king aliwa, ing kagiwan palino king kabaldugan da reting amanu.

1 Corinto 14:29

Ding adua o atlu kataung magsalita king amanu na ning Dios manaral la samantalang ding aliwa naman surian da ing panaral da.

1 Tesalonica 5:20

E yu insultuan ing amanung papasiag na ning Dios.

1 Tesalonica 5:21

Surian yu ing sablang bage at ing mayap ya ing pulutan yu.

2 Tesalonica 2:2

king e kayu sa mabibigla o agad pailingasngas a isip king mibalitang dinatang na ing Aldo ning Ginu agyamang sabian da king iti ula o kapabaluan o kaya sulat a ibat kekami.

1 Timoteo 4:1

Malino nang sasabian ning Espiritu king paniatang na ning tauling panaun lakuan da ring mapilan ing kasalpantayanan. Tukian da la ring mapaglinlang a espiritu at ing tuturu da ring demonyu.

2 Timoteo 3:13

Ding taung marawak at ding magbalatkayu lalu lang maging marawak, maglinlang la, at ila mismu malinlang la.

2 Pedro 2:1

Nung makananu kanitang minunang panaun ating linto propetang e tutu karing tau Israel, makanyan munaman ating lunto e tutung talaturu libutad yu. King karelang kabiasnan, ituru da kayu king e tutu a makasira king kekayung kasalpantayanan. Tanggian de ing Ginung migligtas karela angga king miras karela ing kapahamakan a e ra isip-isipan.

1 Juan 2:18

Anak ko, malapit na ing kawakasan! Antimo ing dimdam yu, daratang ya ing Kalaban nang Cristo; ngeni mu dakal na la deng linto kalaban nang Cristo. Inya balu tamu king malapit na ing kawakasan.

1 Juan 2:7

Pakamalan kung kakaluguran, e ya bayung kautusan ing susulat ku kekayu, nune ing sadiang kautusan a atyu kekayu manibat na king minuna. Iti ya ing dimdam yu nang mipanaral.

2 Juan 1:7

Dakal na la ding mapamirait a dinatang keti king yatu, ding taung e bisang magpatutu king i Jesu-Cristo mikatawan yang tau. Ing taung anti kareta mapaglinlang ya at Kalaban neng Cristo.

3 Juan 1:11

Pakamalan kung kakaluguran, e mu pakiapusan ing e mayap a alimbawa; ing mayap ya ing pakiapusan mu. King Dios ya ing ninumang darapat mayap; ing ninumang darapat e mayap e ne pa ikit ing Dios.

Kapahayagan 2:2

Balu ku ing depat mu, ing kapagalan mu at kapibabatan king pamakiarap mung kasakitan. Balu ku king e mu peintulut ing e mayap. Balu ku king sibukan mu la ding sasabing apostol la at apatunayan mu king e la tune apostol.