1 Juan 3:4 - Ing Mayap a Balita Biblia

⁴ Ing ninumang darapat kasalanan lalabag ya king kautusan na ning Dios, uling ing kasalanan pamaglabag ya king kautusan.

1 Juan 3:4 Iomraidhean Croise

1 Ari 8:47

at nung king bansa nung nu la midala anting bihag apagaralan da king mikasala la keka at kaybat sabian da keka, Mikasala kami keka, dinapat kaming e ustu at e mayap,

1 Cronica 10:13

Mete ya i Saul uli na ning e ya meging tapat king Ginu. Lebagan na la ding utus na ning Ginu, at uling meniawad yang payu karing espiritu da ring mete

2 Cronica 24:20

Inya ing espiritu na ning Ginu dinatang ya kang Zacarias, ing anak nang Jeoiada a pari. Tinalakad ya i Zacarias king arapan da ring tau at ngana karela, Kukutang na kekayu ning Ginung Dios nung baket lalabagan yu la ding utus na ning Ginu? Buri yu ing miparusan kayo? Uling tinggian ye ing Ginu, isakuil na kayu naman!

Isaias 53:8

Dekap de at sinintensia at kaybat liwal ban patayan; ala metung mang mekialam king meging keyang kapalaran. Pete re alang-alang king kasalanan ding kekatamung memalen.

Daniel 9:11

E na la tiparan ning mabilug a Israel ding kekang kautusan at gilutan na ka at e ya mekiramdam karing amanu mu. Mikasala kami keka; inya naman pepagpa mu la kekami ding sumpa a misulat king Batas nang Moises a kekang talasuyu.

Ding Bilang 15:31

uling lepastangan ne ing Ginu. Ya ing bukud pepasari king sarili nang kamatayan.

Mateo 5:19

Uli na niti, ninuman ing taung labag agyang king malating dili kareting kautusan at ituru na ing makanyan karing aliwa, mibilang yang mababang dili king Kayarian ning Banua. Ing ninumang tutupad kareti at ituru na ing makanyan karing aliwa, ita ing makilalang pekamarangal king Kayarian ning Banua.

Ding Dapat 23:3

Nganang Pablo, Ing Dios ya ing bala keka; ikang mengaring pader a pininturan maputi. Kunwari makalukluk ka ken para ukuman mu ku agpang king Kautusan, oneng ika kabud ing lalabag king Kautusan king pamanutus mung panasakitan da ku!

Roma 3:20

Uling alang taung mipatawaran a kasalanan king arapan na ning Dios king kapamilatan na ning pamanupad na king Kautusan; ing parasan na ning Kautusan ya ing mipakilala king mikasala ya ing tau.

Roma 4:15

Gigisingan na mu ning Kautusan ing milalablab nang mua ning Dios; nung nukarin alang kautusan, ala munamang pamaglabag king kautusan.

2 Corinto 12:21

Mikakunu ku, pota king pasibayu kung pamamunta ken, pakarine na ku ning Dios king arapan yu. Uling siguradu kung kiakan ing depat dang pamikasala ding dakal king milabas a panaun; oneng e na la man sinisi at ginulut king dapat ning pamikasalapamakipangalugud at ing marawak nang pamitan ning laman.

Santiago 5:15

Iligtas ne ing masakit ning panalangin a bunga na ning kasalpantayanan. Ibangun ne ning Ginu at nung atin yang kasalanan mipatawaran la naman.

1 Juan 5:17

Kasalanan ing sablang dapat a e matulid, oneng ating kasalanan a e miyangganan king kamatayan espiritual.

1 Samuel 15:24

Kanita nganang Saul kang Samuel, Mikasala ku; e ku memintu king utus ning Ginu at king payu mu kanaku uling pepaisaul ku king takut karing sundalus ku at tinuki ku king kaburian da.